Item jamot de theynchoul in p(rese)ntia heeft/ genomen ende bekint genomen te hebben/ van joese(n) de h(er)toge woenen(de) te loeven(e) die/ tselve bekint alsoe uuytgegeven te hebben(e)/ de hellicht van allen alsulken wynnen(de) landen/ als jan wijlen pynnock tot rosie(re)s liggende/ hadde ende de welke h(ier) voirmaels uuytgedaeght/ zijn geweest uuyt handen jans robb(er)t Te/ houden te hebben ende te wynnen van halfm(er)te/ a(n)no xcviii eenen t(er)mijn van vi jae(re)n lanck/ due(re)nde deen nae dander vervolgen(de) elcx jairs/ h(ier)enbynnen om ende voe(r) drie mudden core(n)s/ pag(abilis) mate van loeven(e) ende te loven(e) ten/ huyse des voirs(creven) joes te leve(re)n den selve(n) joese/ los ende vry Item es voirt vorwerde dat de/ selve wynne gehouden sal zijn h(ier)enboven te/ betalen alle alsulk(en) chijs(en) ende lasten alse uut(er)/ hellicht vand(en) voirs(creven) goeden gaen moegen en(de)/ dat alsoe in tijts dat de selve goede d(aer) voe(r)/ niet bescadicht en worden ende tot dien alle/ tghene desmen tot desen dage [toe] vand(en) voirs(creven)/ goeden ombet(aelt) wesen(de) sal moegen bevinden sculd(ich)/ te zijne Item es voirt vorw(er)de dat de voirs(creven)/ wynne sculdich sal zijn de voirs(creven) lande wel/ ende loffelijck te wynnen ende te werve(n) gelijc/ regenoeten boven ende beneden ende die laten/ tsijnen afscheyden te weten(e) de wint(er)coren(en) op/ vier getijdige voe(re)n de brake geackert ende/ de stortte o(m)megedaen It(em) es voirts ond(er)sproken/ dat de voirs(creven) wynne tot sijne(n) afscheyden(en) voir/ uuyt hebben sal de hellicht vand(en) wint(er)coren(en)/ ten oeghste ende dat dande(r) hellicht den/ voirs(creven) joese volgen sal voe(r) en(de) inde stat vand(en)/ pachte hem sint andriesmesse d(aer)nae verschijnen(de)/ en(de) den somerart sal int geheel volgen den/ / voirs(creven) wynne sonder dat de selve joes d(aer)inne/ e(n)nich deel oft p(ar)t sal moegen hebben cor(am)/ pynnock h(er)meys augusti xiiii