Item jan neve sone jans woenen(de) te crainhem/ aen s(in)[t] anth(onis) capelle heeft bekint sculdich te zijne/ b(er)narde de vadde(re) negen r(ins)gul(den) te xx stuv(er)s tstuck/ op hem en(de) alle tsijne have en(de) erve liggen(de) ende/ rue(re)nde die welke hij geloeft heeft hem te betalen(e)/ tusschen dit en(de) kersmesse als vervolghde schout/ En(de) oft d(aer) gebreck inne viele en(de) dien t(er)mijn ov(er)ghinge/ soe souden die pe(n)ni(n)g(en) van dan voirtane staen/ te lijfrinten den d(enier) ix ten live van mariken/ en(de) lijskens svadders gesuste(re)n dochte(re)n desselfs/ bernardts en(de) tot des lancsten leven(de) live van hen/ beyden lanxt leven(de) lancst heffen(de) van dan/ voirtane alle jae(re) die te betalen tot dat die/ verstorven oft afgeleeght zijn den d(enier) d(aer)af met/ ix gelijck(en) pe(n)ni(n)gen en(de) met vollen pachte/ Met vorw(er)den oick oft tusschen dit en(de) kersmesse/ voirs(creven) niet gecuelt en wordde dat dan de selve/ jan neve die loffelijc verpanden sal bynnen der/ ba(n)mijlen van loeven(e) naed(er) stadt recht cor(am) tymple/ buetsele septembr(is) xi