Item jaq(ue)s hery boudewijns sone woenen(de) te geldenak(en)/ inden yngel heeft geloeft liebrechte jacops te/ besetten een mudde core(n)s pachts van pietrain en(de)/ maten van loeven(e) erff(elijc) op twee boende(re)n lants/ gelegen te pietrain in twee stucken Dierste groot/ sijnde vii dach(mael) es gelegen te pietrain en(de) geheeten/ t(er)re a pery ende dand(er) stuck een dach(mael) houden(de)/ es gelegen te pietrain acht(er) den hoff geheten/ cortil de hosche d(aer) af hij die regenote(n) nairde(r)/ sal verclae(re)n inde guedinge Welke goed(en) hij/ geloeft en(de) affirmeert weerdt te zijne sj(ae)[rs] en(de) in/ pechtinge(n) gelden(de) drie sacken thiens ende sal/ / die wara(n)de(re)n op viii pe(n)ni(n)g(en) love(n)s sonder meer/ co(m)mers te bet(alen) alle jae(re) den voirs(creven) liebrechte et suis/ tvoirs(creven) mudde s(in)[te] andriesmesse apostels en(de) te loeven(e)/ te leve(re)n los ende vry van allen lasten beden imp(ositien)/ sond(er) dat de voirs(creven) liebrecht t(er) causen van desen/ gehouden sal zijn in e(n)nigen oncost het zij van/ pont(denieren) guedingegelde briefgelde (et)c(etera) dwelc die/ selve jaq(ue)s sculdich sal zijn te zijnd(er) last af te/ doene en(de) den voirs(creven) liebrechte te besorgen(e) Op/ vorwerde oick dat soe wa(n)neer die voirs(creven) liebrecht/ hem sal versueken sond(er) met rigue(r) van rechte/ te derven volgen dat de voirs(creven) jaq(ues) dat sal doen/ behalven dat hij tselve mudde corens sal moge(n)/ afquijte(n) en(de) lossen tot eene(n) male met xvi r(ins)/ gulden(en) mu(n)ten nu lopen(de) te weten(e) de goud(en) d(enier)/ in gewichte oft die silve(re)n pe(n)ni(n)g(en) soe die oick/ gevalueert zijn en(de) met vollen pachte d(aer)op die/ voirs(creven) jaq(ue)s bekint ontfangen te hebben(e) zesse/ rinsgulden(en) ende tsurplus sal die voirs(creven) liebrecht/ opleggen ten tijde vand(er) voirs(creven) guedingen cor(am)/ buetsele baets septembr(is) xi