Want gielis van nethen(en) als geleydt nae des(er)/ stadt recht voir sijn wettich gebreck uuyt crachte/ van scepen(en) brieven van loeven(e) tot allen den goed(en)/ beyde have en(de) erve ond(er) den ande(re)n meest(er) reyniers/ / wijlen van lyefkenrode soe wair die inder stadt/ van loeven(e) oft bynnen der vrijheyt der selver/ gelegen sijn hem met janne berain vorstere/ alle de selve goede behoirlijck heeft doen leve(re)n/ ende der weduwe(n) ende kinde(re)n ende den executeurs/ vanden testame(n)te der voirs(creven) wilen meest(er) reyniers/ dach van rechte te comp(ar)e(re)n alh(ier) inde banck voe(r)/ meye(r) en(de) scepen(en) van loeven doen bescheyden oft/ zij hen d(aer)tegen hadden willen oppone(re)n Aldair/ zij op heden als ten geco(n)tinueerden dage van rechte/ d(aer) toe dienen(de) niet gecomp(ar)eert en zijn noch p(ro)cur(eur)/ van hue(re)n wegen den voirs(creven) geleidden (com)p(ar)e(re)nde/ ende trecht voirts versuecken(de) soe v(er)re dat de scep(enen)/ van loeven(e) t(er) manissen smeyers nae dat hen behoirl(ijc)/ gebleken heeft bij clernissen des voirs(creven) dieners de/ voirs(creven) leveri(n)ge en(de) dach besceydinge geschiet te zijne/ gewesen hebben voir een vo(n)nisse wair de wed(er)p(ar)tie/ vanden voirs(creven) geleidden niet en comp(ar)eert voe(r)/ den op staene smeyers ende der scepen(en) datmen/ den selven geleidden vanden voirs(creven) goeden houden/ soude inde macht van sijne(n) beleyde scepen(en) brieven/ ende leveri(n)gen alsoe verre alst noch voir scepen(en)/ comen es in scampno octobr(is) iii[a]