Want jouffr(ouwe) heylwijch vand(er) valporten als geleydt/ nae des(er) stadt recht voir huer wettich gebreck/ uuyt crachte van scepen(en) br(ieven) van loeven(e) tot/ allen den goeden beyde have en(de) erve jans/ ballis soe wair die gelegen zijn heur met br(ieven)/ / van des(er) stadt gescreven aenden meye(r) vand(er) gheeten/ oft zijne(n) stadhoude(r) te hakendevel alle de selve goede/ behoirlijc heeft doen leve(re)n ende den selve(n) janne/ ballis en(de) willem(me) sijne(n) sone dach van rechte te/ comp(ar)e(re)n alh(ier) inde banck voe(r) meye(r) en(de) scepen(en) van/ loeven(e) doen besceyden oft zij hen d(aer) tegen hadden wille(n)/ oppone(re)n Ald(aer) zij op heden als ten dage van rechte/ d(aer)toe dienen(de) niet gecomp(ar)eert en zijn noch p(ro)cur(eur)/ van hue(re)n wegen de voirs(creven) geleidde comp(ar)e(re)nde en(de) trecht/ voirts v(er)sueken(de) soe v(er)re dat de scepen(en) van loeven(e)/ t(er) manissen smeyers nae dat hen behoirl(ijc) gebleken heeft/ bij rapporte jans van hove des(er) stadt bode tvoirs(creven) exploitt/ gesciet te zijne gewesen hebben voir een vo(n)nisse wair/ de wed(er)p(ar)tie vand(en) voirs(creven) geleidden niet en comp(ar)eert/ voe(r) den opstaene smeyers en(de) der scepen(en) datmen den selven/ geleydd(en) vand(en) voirs(creven) goed(en) houden soude inde macht/ vand(en) voirs(creven) beleide scepen(en) brieven en(de) hueri(n)gen alsoe/ verre alst noch voir scepen(en) comen es in scampno/ octobr(is) xx[a]