Inder saken gecomen inde banck voir meye(r) en(de) scep(enen)/ van loeven(e) tussche(n) raese van graven t(er) eenre en(de)/ goirde vanden berge te weten(e) bij ja(n)ne vrancx sijne(n)/ p(ro)cur(eur) t(er) and(er) sijden ald(aer) de selve raes ae(n)gesproken heeft/ nae dien hij hem hadde doen leve(re)n de goede desselfs/ raes uuyt seke(r) beleyde bij hem gedaen en(de) dat voe(r)/ tgebreck van negen rijders erffelijc en(de) oic van drie/ rinsgul(den) erffel(ijc) conclude(re)nde ten ynde van betalingen/ en(de) bewijsseniss(en) D(aer) tegen de voirs(creven) goirt he(m) geopponeert/ heeft seggen(de) dat des(er) materie(n) aengaen(de) zij in w(er)sijd(en)/ hingen ombeslicht voe(r) den raide m(ijns) gened(ichs) he(re)n en(de)/ oic voe(r) betalinge en(de) bewijssenisse van xxvi r(ins)g(ulden)/ erff(elijc) die de voirs(creven) goirdt raesen eysschen(de) es en(de)/ sijne(n) borgen inder maten de voirs(creven) goirt dat dede/ blijcken bij seke(re)n ma(n)deme(n)ten bij hem verworven/ xxii dage in april a(n)no xiiii[c] xcix nae paesschen/ metter r(e)latien d(aer)aen gehecht van henr(icke) herbelsoen/ bode d(aer) mede dat genoech bleeck dexecutie in/ p(ar)tien gedaen te zijne te weten(e) in rase van grave(n)/ en(de) oick inde wethouders en(de) scep(enen) van loeven(e) Ende/ oick dede blijcken de voirs(creven) goirt bij seke(re)n acten/ d(aer)nae inde raide voirs(creven) gegaen dat de voirs(creven)/ sake ald(aer) noch hinck sustine(re)nde hoe wel zij alh(ier)/ in w(er)sijden tot hue(re)n thoene gewesen wae(re)n en(de) hij/ / altijt op sijn re(n)voy en(de) declinatorie bleven was/ dat de voirs(creven) raes alnoch hem te vroech vorderde/ e(n)nige p(ro)cedue(re) t(er) caus(en) van sijne(n) gebreke(n) voirs(creven)/ alh(ier) te doene D(aer)af de wed(er)p(ar)tie als voe(r) de (contra)rie/ gesustineert heeft meynen(de) met sijne(n) scep(enen) brieven/ en(de) rechtvorderingen alh(ier) voirts te moghen vae(re)n/ ende besund(er)t met sijnen thoene die eensdeels d(aer)/ tegewoirdich was Es gewesen t(er) maniss(en) smeyers dat/ de sake voirs(creven) bij raese alh(ier) geintenteert alnoch/ soude bliven berusten(de) totter tijt de voirs(creven) raes naird(er)/ soude doen blijcken tre(n)voy in desen bijd(en) raide van/ brabant alh(ier) gesciet te zijne ind(er) saken ald(aer) hangen(de)/ Act(um) in scampno p(rese)ntib[(us)] hoeven buets(ele) bouch(out) baets octobr(is)/ xxvii