Item in tegenwoirdich(eij)t des meijers e(nde) der scepe(nen) van/ loeve(n) naebescreven gestaen goirdt van merbeke/ sone wijle(n) goirdts e(nde) marie molema(n)s sijn(en) huijsv(rouw)e/ woone(nde) te corbeke overloo p(er) mo(nitionem) hebbe(n) opgedragen/ met behoirl(ijcke) v(er)thijeniss(en) de goeden naebescreven gelegen/ te haesrode onder de prochie van bierbeke te/ weten(e) ind(en) ierste(n) een vierendeel landts gelege(n) opt/ t(er) neerste kerckhoff velt tusschen de goeden henricx crabbe/ opter eenre de goed(en) peeters keijen ter tweede(r) de/ goeden m(eester) ambrosii martini ter derder e(nde) de goeden/ thomas ijngels ter vierder zijden Item noch o(n)derhalff/ dach(mael) landts staen(de) besaijt met coren opt blijde velt/ rege(nde) de herstraete aldaer gae(nde) van loeven(e) nae
//
namen ter eenre de goeden des voers(creven) peeters/ keijen ter tweedere de goed(en) huijbrechts duemps/ ter derdere e(nde) de goed(en) jans kerckhalsters ter/ vierder zijden gelijck deselve goed(en) ombegrepe(n)/ vander juijster maten gelege(n) sijn Exp(ositis)/ soo sijn d(aer)inne gegoidt e(nde) geerft te(n) erffel(ijcken)/ rechte de voers(creven) peeter keijen sone wijlen peeters/ e(nde) marie van villeers zijn huijsv(rouw)e woone(nde)/ tot haesrode voers(creven) p(er) mo(nitionem) et sat(is) de voers(creven)/ opdraegeren indivis(im) et war(as) Te wetene/ tvoers(creven) vierendeel landts voer vrij o(m)belast/ ende tvoers(creven) onderhalff dach(mael) landts op/ vijffthien mijten chijs aen huijbrechten van/ bierbeke woone(nde) s(in)t truijden tanq(uam) prout/ iure cor(am) grave ketelboeter junii xv[a]