Allen den ghenen die dese l(ette)ren zullen/ zien oft hooren lesen, borgem(eeste)ren/ schepenen ende raidt der stadt van/ loven(e) saluijt, doen te wetene dat/ op heden date deser zijn ten versuecke/ van heer ende m(eeste)r raphael gemma/ priester ende scholaster van sinte peeters/ bijnnen loven, ende van m(eeste)r raphael/ lintermans ende jo(uffrouw)[e] cathelijne sijne/ zustere bagijne bijnnen loven, voer/ ons gecompareert d'eersaeme m(eeste)r/ frederick van hinninsdael oudt omtrent/ lx jaeren, anna zedelers huijssvrouwe/ peeters colebrant oudt omtrent/ vijftich jaeren [hans zedelers oudt omtrent lxx jaeren] allen borgeren ende/ innegesetenen der voirs(chreven) stadt van/ loven, de welcke allen op hunne
//
mans waerheijt hebben gecertificeert ende/ geattesteert, certificeren ende attesteren/ mits desen hunlieden wel kennelijcken/ ende indachtich te sijn, dat eertijden in den/ jaere van sesse oft lxxvii[tich] is in loven/ geweest eenen genaempt jan van der hoeven/ zone jans, ende dat den selven inden/ voirs(chreven) jaere heeft gewoont ende hem gehouden/ gehadt bijnnen der voirs(chreven) stadt van loven/ zoe dat oijck voer hem gedaen hadde sijnen/ voirs(chreven) vader, ende dat deselve jan/ van der hoeven in den voirs(chreven) jaere bijnnen/ der stadt loven is in houwel(ijcxe) staet/ gealieert geweest met eene dochtere/ genaempt johanna zedelers, ende dat/ eenen cortten tijt daernaer dat hij met/ de voirs(chreven)[e] johanna zedelers is gehouwt/ geweest, is buijten loven op den wech/ van thienen oft daeromtrent onnoosel(ijck)/ vermoort geweest, achterlaeten(de) de voirs(chreven)[e]/ johanna zedelers zijne wed(uw)e bevrucht/ met kinde, item dat de zelve sijne/ weduwe dezelve vruchte daernaer/ ter werelt gebrocht hebbende ende/ in kerstendom genaempt anna sij/ eenigen cortten tijt daernaer is/ herhouwt geweest met eenen genaempt/ reijnier van den putte, item dat de/ zelve reijnier van den putte mette voirs(chreven)[e]/ johanna zedelers zijne huijssvrouwe/ ende weduwe des voirs(chreven) jans vand(en)/ hoefven, is in den jaere lxxviii/ oft daeromtrent van hier vertrocken/ bij de rebellen van sijne ma(jesteij)t/ ende met hem genomen de voirs(chreven)e/ anna van der hoefven sijnde een/ weesken van omtrent tusschen den/ een oft twee jaeren, ende zoe sij verstaen/ doergaens in de macht van haeren
//
stiefvader tot dat sij van deser werelt/ is overleden is gehouden geweest, hebben(de)/ oijck mede verclaert ende gecertificeert/ als boven, dat sijlieden zeer wel hebben/ gekent d'ouders van den voirs(chreven) heer ende/ m(eeste)r raphael gemma, ende vanden voirs(chreven)/ heer ende m(eeste)r raphael ende cathelijne/ lintermans, dewelcke sijn geweest/ respectivel(ijck) doctoir cornelis gemma/ ende jo(uffrouw)[e] margriete vand(en) hoeven,/ ende m(eeste)r jan lintermans gehouwt met/ jo(uffrouw)[e] marie van der hoeven dewelcke/ de zuster was van de voirs(chreven)e jo(uffrouw)[e]/ margriete ende vaderlijcke(n) moijen/ tzamen van den voirs(chreven) jans vander/ hoefven, ende alsoe oude moijen/ van sijnen kinde zijne voirs(chreven)e/ achtergelaeten weese anneken van der/ hoefven, verclaeren oijck mede dat/ de voirs(chreven) doctor cornelis gemma/ met zijne voirs(chreven)[e] huijsvrouwe ende/ de voirs(chreven) doctor cornelis, gemma/ met zijne voirs(chreven)e huijsvrouwe, ende/ de voirs(chreven) m(eeste)r jan lintermans insgelijcx/ met zijne huijssvrouwe hebben hunlieden/ doergaens gehouden onder d'onderdanicheijt/ vand(en) ma(iesteij)t hooger memorie bijnnen der/ stadt van loven tot dat zij lieden ende/ elcken van hunlieden deser werelt/ sijn overleden, de voirs(chreven)e doctoor/ gemma ende sijne huijssvrouwe/ te weten in de pesttijt, ende de/ voirs(chreven)e lintermans met zijne/ huijssvrouwe ind(en) jaere respectivel(ijck)/ lxxxi ende xcii, zoe oijck hunne/ kinderen in wedersijden onder/ d'onderdanicheijt van sijne ma(jesteij)t/ hun gehouden hebben ende met hunnen/ ouders gesupporteert ende gedragen/ de gemeijne lasten van dese inlantsche
//
oirloghe, zulcx dat zij lieden die/ anderssints waeren in redelijcken goeden/ doen, sijn geco(m)men tot een merckelijcke/ decadentie als den meesten deel van/ hunne goeden doergaens heelijck/ verdestrueert ende desolaet gelegen/ hebbende ende anderen daervan sij/ eenichssints gelt mochten maecken moeten/ derfven ende vercoopen, zoe mits de groote/ lasten daerinne zij midts het groot/ garnisoen vanden jaere lxxviii lxxix/ lxxx lxxxi lxxxii lxxxiii ende/ lxxxiiii zij waeren gevallen, als oijck/ mits den gevanckenisse van heer ende/ m(eeste)r philips gemma int suppremeren/ van der stadt van thienen in den/ jaere 90 oft daeromtrent bij die/ rebellen ingenomen ende gespoulleert/ overgeco(m)men zoe sij comparanten certificeren/ ende de voirs(chreven) heer ende m(eeste)r philips/ bijnnen der voirs(chreven) stadt van thienen/ doen vanden vijant gevangen geweest/ ende langen tijt gevangen geseten hebben(de),/ Alle welcke poincten de voirs(chreven)e/ comparanten vercleeren waerachtich/ te sijn, ende hunlieden zeer kennelijck/ ende dat zijlieden des noot zijnde/ van elcx wel zouden pertinente/ redenen van wetenschap weeten te/ geven, zoe verre het noot waere/ in welcken cas sij seijden dat sij/ lieden t'gene voirs(chreven) is oijck onder/ eede bij hunlieden te doen affirmeren/ ende vernijeuwen, Coram duffle/ beringen septembris xv[a] 1604