Allen e(tcetera), doen te weeten, dat op heden/ date deser, voer ons commen is in/ persoone, heer huijbrecht bruijnincx/ zone wijlen peeters ende jo(ffrouw)[e] dijmpna/ van schooten gehuijsschen als zij leeffden,/ student in der heijliger godtheijt/ woonende bijnnen der stadt ende/ universiteijt van loven voirs(chreven), ende/ heeft machtich gemaect, ende in zijne/ stede gestelt, maeckt machtich, ende/ stelt in zijne stede mits desen jannen van/ weerde, coopman ende innewoonder/ der stadt van antwerpen, den selven/ gevende volcommen absolute ende
//
onwederroepel(ijcke) macht, last ende/ commissie, omme te aenhoiren, lauderen/ passeren, sluijten ende contradiceren,/ daer ende soe hem goet duncken sal alsulcken/ rekeninghe, als van wegen der erffgen(aemen)/ wijlen jans van schooten gedaen ende/ overgegeven sal wordden, ter saecke/ van de administratie bij den zelven gehadt/ over de goederen van het sterffhuijs/ van wijlen digna van schooten, zoe tot/ sevenberghe, turnhout als elders gelegen,/ tslot der zelver rekeninghe te eijsschen/ ende t'ontfangen, ende van sijn(e) ontfange/ quitan(tie) te geven ende te verlijden, ende/ daeromme - ist dat noot zij - rechtel(ijck) te/ procederen, litem oft lites te contesteren/ alle dagen ende termijnen van rechte te/ observeren, inde ziele van hem constituant/ te sweren, ende allen eeden te doen, die/ trecht oirloft ende admitteert, co(m)mmeringen,/ arrestamenten, apprehensien, besetselen ende/ uuijtwinningen op persoon(en) ende goeden te/ doene, compositien transactien ende/ minnel(ijcke) appoinctementen, contracten, termijn(en)/ ende daegen van betaelingen te maecken/ ende aengaen aen te gaen, een(en) oft meer/ persoonen de selve oft gelimiteerde macht/ hebbende, in sijne plaetse te stellen ende/ te substitueren, ende die te revoceren als/ hem goetduncken sal, ende voirts alles/ te doen dat hij constituant zelve p(rese)nt/ ende voer oogen zijnde doen soude mogen,/ al waert dat de saecke breeder oft/ speciaelder macht behoeffde dan voirs(chreven)/ is. Gevende de voirs(chreven)e comparant/ in der voirs(chreven) forme zijnen voirschreven/ gemachtichde oft gesubstitueerde/ volcommen macht, authoriteijt ende bevel
//
omme de goeden, die zouden mogen commen/ te oeveren, ende die den voirn(oemde) jan van/ schooten achtergelaeten heeft voer zijne/ portie te aenveerden, ende mette andere/ erffgenaemen te procederen tot scheijdinge/ ende deijlinge der zelver, ende alles/ te doen, d'welck hij comparant/ tegenwoirdel(ijck) zijnde, zoude connen ofte/ mogen doen. Gelovende voer goet/ vast, gestentich, ende van weerde te/ houden t'allen dagen onwederroepel(ijck)/ allen t'gene wes bij den voirs(chreven)/ gemachtichde oft gesubstitueerde/ hier inne gedaen sal wordden, onder/ verbintenisse ende submissie van/ des comparants persoone ende/ goeden, ruerende ende onruerende/ p(rese)nt ende toecommen(de) ende renuntiatie/ van alle ende iegel(ijcke) exceptien,/ privilegien ende beneficien hoedanich/ die sijn, coram beringen rivieren/ septembris xxv 1604