Item in tegenwoirdicheijt der schepenen/ van loven(e) naerbeschreven, gestaen d'eer(weerde)/ ende religieuse heer broeder anthonis/ berghain prior zoe voer hem, als sijns/ convents des godtshuijs van gruenendael/ wegen, alnoch advoijerende alsulcken/ vonnisse, bij forme van sequestre aengewesen,/ oft provisionel(ijck) gepermitteert bij de/ heeren schepenen van loven op den x[en]/ julii 1593 tot proeffijt van m(eeste)r gerart/ cornu als rentm(eeste)r der collegie/ van atrecht cum suis oude geassocieerde/ renthefferen op de goeden eertijts des/ godthuijs van corbie, ende dat/ voer zoe vele als t zelve godtshuijs/ van gruenendal aengaen mach, nopen(de)/ de thiende van huldeberghe, smeijersberge,/ ende wolffshage(n), die den voirs(chreven)/ godthuijse als proprietarisen in den/ rade van brabant zijn aengewesen,/ ende alsoe bekent ende belijdt bij desen,/ die voirs(chreven) heer prior dat m(eeste)r jan/ bachuijs rentm(eeste)r der collegie van/ standonck, in den name ende van/ wegen des voirs(chreven) m(eetse)r geerarts cornu/ in der qualiteijt voirs(chreven) cum suis/ geassocieerde renthefferen op de voirs(chreven)e/ goeden eertijts corbij aen hem heer/ prior goede getrouwe ende wettige/ rekeninge ende bewijs heeft gedaen
//
van de voirs(chreven)e sequestre der voer/ gespecificeerde thiende van den oist/ oft jaeren verschenen sint andriesmisse/ 1601 1602 ende 1603 t'samen includ(erende)/ drije volle jaeren, houdende hem mette/ zelve rekeninghe te vreden, gelijck/ oft de selve wettelijck voer schepenen/ van loven oft elders, daert van noode/ zoude mogen wesen gedaen ende/ gepasseert, waeraff hij heer prior/ oijck bekent contrerekeni(ng) geappostilleert,/ gesloten, gelaudeert ende geapprobeert,/ hem gelevert, ende bij hem ontfangen/ te sijne, behalven dat het slot/ der ombedeijlder somme tusschen den ouden/ renthefferen, wesende lxxxix rinsg(uldens)/ xix stuijvers een blanck ter naester/ rekeni(ng) in ontfanck sal wordden/ gebrocht ende alsoe voirts consenteren(de)/ ende continuerende het voirs(chreven) vonnisse/ van sequestre ende laeten(de) zijnen/ voirn(oemde) voirtganck hebben tot behoeff/ van de voirs(chreven)e oude geassocieerde/ renthefferen ende andere voer/ geprefereerde actie hebbende, allen/ d'welck m(eeste)r jan bachuijs als sequester/ voer hem ende voer den voirs(chreven) m(eeste)r/ geerart cornu cum suis accepteerde/ coram beringen liebrechts septembris/ xiiii 1604