Cont bi alle(n) liede(n) dat h(er) wout(er) eveloge bekent heeft dat hi geg(even) heeft en(de) v(er)lenct/ godev(ar)de den coste(re) sine(n) wy(n)ne sine goede [mette(n) lande eusele en(de) beemde en(de) met toebehoerte(n)] ghelege(n) te he(re)nt te houdene en(de) te hebben(e)/ va(n) [half] meye lest lede(n) een jaer lanc durende in ald(er) voege(n) en(de) maniere(n) ghelijc dat/ de selve goert die goede gehoude(n) heeft tot nu ute ghesceede(n) tween bonde(re)/ eusele die [hem] daer af af gaen en(de) daer hi niet af gheve(n) en sal En(de) dat de/ selve gort den vor gheve(n) sal [dit jaer] den vors(creven) h(er) woute(re)n iiii andw(er)psce scilde/ meer dan hi van dien goede tot hae(re)r ghegheve(n) heeft En(de) alse de vors(creven) wij(n)ne sal/ tvors(creven) lant besaye(n) sal en(de) hij wel en(de) tidechlec ghewo(n)ne(n) heeft geb [wi(n)ne(n) en(de) bereide(n) te besayene]/ also hi sculdich es te doene soe [en(de)] sal hijt tsaet daer toe leve(re)n en(de) de vors(creven)/ h(er) [woute(r)] saelt da(n) doen besaye(n) op sijns selfs cost En(de) allet mest dat de selve/ wy(n)ne make(n) sal tussche(n) hier en(de) sinte danijs dach [naest comende] dat sal hi ute/ vuere(n) opt vors(creven) lant en(de) dat hi daer na maect dat sal blive(n) in de/ messie hier af ... b En(de) alle de geloefte(n) en(de) vorw(er)de(n) die de vors(creven)/ goert nu en(de) vormaels gedaen heeft vande(n) vors(creven) goede die heeft/ hi geloeft den vors(creven) h(er) woute(re)n te houdene en(de) te voldoene en(de) de/ vors(creven) h(er) woute(r) he(m) wed(er) hier af sijn borge(n) des vors(creven) goerts/woute(r) en(de) vr ongesund(er)t woute(r) en(de) vranke sijn bruede(re)n en(de) woute(r)/ pet(er)celle haere swag(er) quos quit(avit)? p(a)pe my(n)ninc junii p(ri)ma