It(em) de vors(creven) h(er) jacop heeft gheloeft godev(ar)de boxhore(n) te levere(n) tusschen dit en(de)/ s(ente) lauwereys dach naest comende brieve besegelt vande(n) he(re) va(n) opp(re)bais en(de) va(n)/ sine(n) ma(n)nen en(de) besegelde brieve va(n) ja(n)ne va(n) geldenake(n) he(re) vande(n) rous en(de) va(n)/ sine(n) ma(n)nen vande(n) vorw(er)den hier nae bescr(even) dats te wetene inde(n) ierste(n) dat jan/ va(n) chamont en(de) joffr(ouwe) marie sijn wijf guedinghe va(n) dese(n) vors(creven) goede(n) ontfaen/ hebben vande(n) [vore de] vors(creven) he(re)n en(de) voe(r) hoe(r) ma(n)ne It(em) dat de vors(creven) ja(n) va(n) chamont en(de)/ joffr(ouwe) marie sijn wijf den vors(creven) he(re)n jacop hore(n) sone vande(n) vors(creven) goede(n) oec/

goedinghe ghedaen hebbe(n) voe(r) de vors(creven) he(re)n vande(n) leene en(de) voe(r) hore ma(n)ne/

en(de) de selve(n) jacop d(aer) toe come(n) es nae shoefs recht It(em) d(aer) nae want de/

vors(creven) h(er) jacop des(er) vors(creven) goede he(re)n ja(n)ne he(re) va(n) glymis en(de) ja(n)ne va(n) chamont hoe(r)/ sone oec guedinghe ghedaen hebben vande(n) vors(creven) goede(n) vore de vors(creven) he(re)n va(n)den leene/ en(de) dat d(aer) nae come(n) sijn de vors(creven) h(er) jan he(re) va(n) glymis en(de) jan va(n) chamont de/ jonghe en(de) hebben des(er) vors(creven) goede ghederft voe(r) de vors(creven) he(re)n vande(n) leene en(de) voe(r)/ hoe(r) ma(n)ne en(de) dat d(aer) toe come(n) es nae hoefs recht de vors(creven) h(er) jacop va(n)/ chamont voe(r) de vors(creven) he(re)n en(de) voe(r) hoe(r) ma(n)ne En(de) oec dat de vors(creven) h(er) jacop vande(n)/ vors(creven) goeden also verre alst tsijns goede sijn - respice ab alia p(ar)te ad ide(m) sign(um) -
//
den vors(creven) godev(ar)de oec vast sette(n) sal voe(r) de he(re) en(de) hove d(aer) sij af ruere(n)/ also dat hem vast en(de) seker sijn sal en(de) va(n) dese(n) vors(creven) vorw(er)den brieve/ te leve(re)n besegelt vande(n) he(re)n en(de) vande(n) hoven tusschen dit en(de) s(ente) laureys/ dach vors(creven) alle(n) argelist hier in uutghesceden cor(am) py(n)noc oerb(eke) calstr(is)/ ponte aug(usti) s(ecund)[a] It(em) d(i)c(t)us godefr(idus) boxhore(n) quit(avit) p(re)fatu(m) d(omi)n(u)m jacobu(m) de/ d(i)c(t)is p(ro)miss(ionibus) cor(am) py(n)noc ponte aug(usti) xxiii