Ite(m) arnt van winghe scoenmaker en(de) margr(iete) sijn wijf sijn come(n) in jeghenw(or)dich(eit) der scepen(en) va(n) lovene/ en(de) hebbe(n) gheg(even) en(de) bekent dat sijn gheg(even) hebben wille(m)me den gheijsere va(n) libbeke [alle] hae(re) goede die/ sij hebbe(n) ligghende tov(er)winghe inde p(ro)chie van winghe [en(de) in de prochie va(n) libbeke]hier na bescr(even) te winnene en(de) te hebbene/ en(de) te winnene ter helecht ene(n) t(er)mijn van ses jaren lanc [deen nadand(er) sond(er) middel volghende] ingaende te halfmarte naest comende/ ind(er) manieren hier na volghende [bescr(even)] Dats te wetene dat de voers(creven) wille(m) alle de winne(n)de lande [tote(n) vors(creven) goeden horende] wel/ en(de) loflec wi(n)nen en(de) misten sal ghelijc sinen reenghenoeten bove(n) en(de) beneden en(de) toechste alse die/ vrocht tijtverdech es en(de) ghebonde(n) op tfelt dan selen sij deilen en(de) wille(m) sal ards en(de) sijns wijfs/ ghedeelte ierstwerf vueren in ards scuere eer hij tsine en wech doen sal en(de) alse ard ocht sijn wijf/ willen doen dersschen dan sal willem voers(creven) dien dersscher vueden van eten en(de) van drinkene en(de) arnt/[en(de) sijn wijf] sij selen de dachhuren ghelden [betalen] Ite(m) sal wille(m) hebbe(n) caf stroe en(de) kriensen van ards [en(de) sijns wijfs] ghedeelte/ Ite(m) sal wille(m) hebbe(n) de weide beneden thof int broec ghelijc dat sij arde toebehoert o(m)me iiii/ mott(oenen) tsjaers voe(r) elke(n) mott(oene) xvii l(i)b(ra) pay(ments) nu in bursen gaen(de) [ghereke(n)t altoes] tsinte m(er)tens misse te betaelne/ Ite(m) sal wille(m) voers(creven) leve(re)n jaerlecs den voers(creven) [t(er)mijn] duren(de) i(½)[c] walme(re) goet en(de) cusbaer de husinghe/ mede te houdene en(de) soe wa(n)neermen aen de husinghe plect of dect ocht anders werct van stopwerke/ daer toe sal aert en(de) sijn wijf leve(re)n alle de stof die daer toe horen sal en(de) oec den werclieden/ de dachh(uren) betalen en(de) wille(m) sal den wercklieden voeden van montkoste [den coste gheven] Ite(m) sal wille(m) merghelen
//
alle jare den voers(creven) t(er)mijn durende (½) dachmael lands wel en(de) loflec te goed(er) knapen prise/ maer ard sal den merghel betalen opden poel Ite(m) sal wille(m) hebbe(n) tvierdeel vanden oefte/ en(de) ard en(de) sijn wijf die drie ghedeelte Ite(m) sal wille(m) den voers(creven) arde en(de) sinen wive haer/ ghedeelte vande(n) corne en(de) vanden oefte vueren en(de) bringhen te lovene ocht elder op de twee/ milen na winghe daert ard ghenueghen sal Ite(m) sal wille(m) arde en(de) hem selven sayen en(de)/ wi(n)nen alle jare elken een molevat lisaeds en(de) ard sal sijns [selfs] molevat lisaeds daer toe leve(re)n [Ite(m) sal de voers(creven) wille(m) den voers(creven) arde en(de) sinen wive alle jare [den voers(creven) t(er)mijn durende] bringhen tot lovene ii voeder houts sond(er) yet daer af te hebbene] Ite(m) heeft/ gheloeft de voers(creven) willem de voers(creven) [goede] te winnen wel en(de) loflec [ghelijc voers(creven) es] en(de) daer inne te blivene en(de) niet daer/ uut te treckene [sceidene] den voers(creven) t(er)mijn duren(de) En(de) sal de voers(creven) goede [te] laten in alder manieren alse/ hise vindt en(de) sal alle stroe en(de) mist dat vanden voers(creven) goeden come(n) sal ten lesten jare laten/ binnen den hove En(de) alle dese voers(creven) [poente(n) en(de) vorw(er)den heeft de veers(creven)] willem gheloeft wel en(de) ghetrouwelec te houdene en(de) te/ voldoene den vors(creven) arde en(de) sijne(n) wive tot elken t(er)mine alse vervolghde scout en(de) des es burghe/ des voers(creven) willems alse principale golay spapen van goerbroec den welken [golay voers(creven)] de voers(creven)/ willem daer af heeft gheloeft scadeloes te houdene en(de) tontheffene hier waren over/ hertshals roelofs martii iii