Ite(m) reyner aliten van cu(m)ptich es comen in jeghenwordicheide(n) der scepen(en) van lovene en(de) heeft ghenome(n) jeghen/ joffr(ouwe) prude(n)cien w(er)dine wilen jan swertveghers en(de) jeghen lodic den swertvegher haren sone te voren uut sijnre/ moed(er) brode ghedaen hare goede hier na bescreven gheleghen inde prochie van cu(m)ptich te houdene en(de) te hebbene te/ pachte ene(n) t(er)mijn van ses jaren lanc sond(er) middel deen na dand(er) volghende en(de) beghinne(n)de te half meye lest leden/ dats te wetene [de woninghe] der vors(creven) joffr(ouwe) cleme(n)cien [prudencien] met ii(½) boend(er) der weyden daer toe horende houdende omtrent xi dach(mael)/ te samen o(m)me v mott(oene) [tsjaers] voer elke(n) dobbele(n) [mott(oen)] xxvii placke(n) [nu in bursen gaende] gherekent Ite(m) alle de winne(n)de lande der vors(creven) joff(ouwe)/cleme(n)cien [prudentien] houdende omtrent xvii boend(er) ghelijc alst gheleghe(n) es ind(er) voers(creven) p(ro)chien van cu(m)ptich elc boender/ o(m)me x halste(r) [herds] corens tienscher maten alsulcs corens als op tgoet wassen sal te lovene te leverne elcs [jaers de(n) voers(creven) t(er)mijn durende]/ Ite(m) dat de voers(creven) joffr(ouwe) cleme(n)cie [prudencie] en(de) reyne(r) alle doeft dat opte voers(creven) goede wassen sal alle jare vanden/voers(creven) t(er)mine te ghelijcke deylen [en(de) hebbe(n)] selen half en(de) half maer de voers(creven) [reyner] joffr(ouwe) cleme(n)cie [prudencie] sal de voers(creven) joffr(ouwe) clemencie [prudencie] [joffr(ouwe) prudencie sal]/haer ghedeelte vande(n) [haers selfs] [alle] doefte doen lesen op haren[sinen] [haren] cost maer sij daer [en(de) reyner sal] de lesers vueden en(de) de voers(creven) reyne(r) [oec] sal h(ij)/ der voers(creven) joffr(ouwe) prude(n)cien haer ghedeelte vanden oefte te lovene vueren Ite(m) sal de voers(creven) reyner der vors(creven)/ joffr(ouwe) prude(n)cien alle jare hierenbi(n)nen leve(re)n iii[c] walme(re) goet en(de) cusbaer de husynghe mede te houdene/ en(de) hij sal de werclieden vueden als aen de husynghe yet te maken es maer sij [joffr(ouwe) prude(n)cie] sal de dachueren ghelden/ Ite(m) joffr(ouwe) prude(n)cie voers(creven) sal de duven vanden dofhuse alleen hebben maer reyner sal dmest daer af/ hebben Ite(m) sal reyner de lande voers(creven) altoes wale en(de) cusbaerlec? wi(n)nen met sinen tideghen voren en(de)/ missen ghelijc sinen reenghenoten Ite(m) waert dat enich scade gheschiede van brande inde voers(creven) husinge(n)/ en(de) reyners vors(creven) goed daer in verbernden op datmen datmen dat metten naesten ghebueren boven en(de)/ beneden ter wettigher waerheit ghetonen conste soe soude reyner daer af onghehouden sijn maer soe/ waer reyner des alsoe niet ghetonen en conste soe soude reyner [hij] der voers(creven) joffr(ouwe) prude(n)cien die scade/ van dien brande oprichte(n) Ite(m) sal de voers(creven) reyner de voers(creven) goede laten ghewo(n)nen besaeyt en(de) bevreedt/ ten inde vande(n) voers(creven) t(er)mine ghelijc als hise vant te sinen incomen ter wettigher waerheit Ite(m) sal/ reyner [voers(creven)] alle dwegheghelt buten der vriheit van lovene ghelden en(de) joffr(ouwe) prude(n)cie sal ghelden dweghe/ghelt binnen der vriheit van lovene En(de) alle dese voers(creven) voerw(er)den heeft de voers(creven) reyner gheloeft/ wel en(de) volcomelec te houdene en(de) te voldoene tot elken t(er)mine alse vervolghde scout En(de) des sijn burghen/ des voers(creven) reyners alse principale sculde(re)n ind(ivisi)sim [henr(icus) fili[(us)] d(i)c(t)i reyneri p(ri)us emancipat[(us)] a pane d(i)c(t)i sui p(at)ris]/ henr(ic) machiels en(de) willem de rademake(re) beide va(n) meld(er)t/ de welke henr(ic) [machiels] en(de) willem de voers(creven) reyner hier af heeft gheloeft scadeloes te houdene en(de) tontheffene/ borchoven zas julii xiii