It(em) want stoet en(de) tebat geweest heeft tussche(n) janne vande(n) tymple in deen side en(de) ja(n)ne van loen in dande(re) van i l(i)b(ra) gr(ote) lijfpe(n)s(ien)/ dat de selve jan vande(n) tymple jarlex heeft op i huys in de ii proefstrate gehete(n) den reeghenboghe en(de) op ande(re) seke(re) pande/ d(aer) af dat de vors(creven) p(ar)tien bleve(n) sijn in segghe(re)n en(de) in vriendel(ec) yffene(re)n te wete(n) de vors(creven) jan vande(n) tymple in woute(re)n corsbout/ rent(meester) van lov(en) en(de) jan va(n) loen in henric vande(n) b(er)ghe Soe wes de vors(creven) ii segghe(re)n d(aer) uut segghe(n) soude(n) sij dat vast/ en(de) gestredich houde(n) soude(n) met sulk(er) vorw(er)den w(er)t dats de vors(creven) ii segghe(re)n niet eens noch va(n) accorde en worde(n) dat sij/ dan kiesen soude(n) ene(n) ov(er)man die en(de) dien hoe(r) beid(er) bescheit ov(er)gheve(n) en(de) dat die ov(er)man sijn segghe(n) d(aer) uut segghe(n)/ sal binne(n) viii daghe(n) nae dat hi hoe(r) beid(er) bescheit ontfaen sal hebbe(n) en(de) dat de vors(creven) p(ar)tien dat vast en(de)/ ghestedich houde(n) sele(n) ghelijc sij hen v(er)bonde(n) hebbe(n) voe(r) scepen(en) va(n) loven(en) En(de) want de brief vand(er) lijfpens(ien)/ vors(creven) mentie maect dat jan vande(n) tymple hebbe(n) sal alsulke(n) payme(n)t als de stat va(n) loven(en) jairlex hoe(re)n pe(n)sionar(is)/ gheve(n) en(de) betale(n) sal Soe meynt wout(er) corsbout vors(creven) dat jan vande(n) tymple vors(creven) jarlex heffe(n) sal i l(i)b(ra) gr(ote) te/ wete(n) x s(chillingen) gr(ote) alsulx als de stat va(n) loven(en) jarlex gheeft hoe(re)n pe(n)s(ionaris) te bruess(el) en(de) x s(chillingen) gr(ote) alsulke als de selve/ stat jarlex gheeft hoe(re)n porte(re)n en(de) pe(n)s(ionaris) van loven(en) [want wout(er) corsbout meynt dat die van hoeye niet meer en heffen vander stat van lovene dat dat es bij ghebreke der stat van hoeye o(m)me dat sij den porte(re)n van lovene niet meer en gheven en(de) daer bij soe en heeftse wout(er) voers(creven) niet gherekent met den ande(re)n ii steden] en(de) de vors(creven) henric vanden b(er)ghe meynt want de vors(creven)/ stat va(n) loven(en) drie payme(n)te(n) gheeft hoe(re)n pe(n)s(ionaris) va(n) lijfpe(n)s(ien) en(de) de brief vand(er) lijfpe(n)s(ien) oic sprect dat jan/ vande(n) tymple hebbe(n) sal alsulke(n) pay(ment) als de stat va(n) loven(en) gheeft hoe(re)n pe(n)s(ionaris) dat de vors(creven) ja(n) vande(n) tymple/ d(aer) o(m)me oic heffen sal drierande payme(n)t te wete(n) vi s(chillingen) en(de) viii d(enieren) alsoeme(n) dien va(n) bruess(el) gheeft [te loven(en)] vi s(chillingen) en(de)/ viii d(enieren) alsoe de stat gheeft hoe(re)n pe(n)s(ionaris) va(n) loven(en) en(de) vi s(chillingen) en(de) viii d(enieren) alsoe de stat gheeft hoe(re)n pensionar(is)/ van hoye En(de) wants de vors(creven) segghe(re)n hier o(m)me niet eens noch va(n) accorde en sijn Soe hebbe(n) de selve segghe(re)n/ ghecore(n) ene(n) ov(er)man te weten godev(ar)t vanden b(er)ghe die sijn segghe(n) uut hoe(r) beid(er) bescheit hier af segghe(n) sal/ va(n) maendaghe naist come(n)de in viii daghe(n) Oic es des vors(creven) henric meyni(n)ghe w(ar)t dat de vors(creven) stat va(n) loven(en) hoeghde/ ocht nederde va(n) hoe(r) lijftocht te betale(n) dat de selve jan vande(n) tymple des ghelijcs oic hoghe(n) en(de) nede(re)n sal/ en(de) dat de selve jan vande(n) tymple sijn lijftocht heffe(n) sal ten t(er)mine(n) dat de lijftocht h valt op de pande d(aer) hi sine/ lijftocht op heeft en(de) ghelijc hise tot heer toe gehave(n) heeft te wete(n) half te s(inte) jans misse en(de) half te kerssavo(n)de/(et)c(etera) gescr(even) des sat(er)daeghs vi dage in mey(e)