Wij (et)c(etera) scepen(en) van loven(en) doen cont en(de) kenlec allen lieden die dese l(ette)ren selen sien ocht hoe(re)n lesen dat voir ons come(n) is mijn he(re) h(er)/ reynart he(re) va(n) scoenvorst en(de) va(n) zichene(n) en(de) heeft bekent dat hi v(er)cocht heeft in wetteghen cope godev(ar)de roelofs en(de) godev(ar)de/ boxhore(n) porte(re)n va(n) lovene die ii[c] oud(er) schilde jairlek(er) lijfpens(ien) die de vors(creven) h(er) reynart he(re) va(n) scoenvorst en(de) va(n) zichene(n)/ hadde en(de) houdende was tot sinen live op de stat van loven(en) [en(de) dat] o(m)me ene seke(re) so(m)me van ghelde d(aer) af dat de vorg(enoemde) he(re) va(n) scoe(n)vorst bekende en(de) verlide dat de vors(creven) godev(ar)t roelof en(de) godev(ar)t boxhore(n) hem wettelec betaelt hadden en(de) volcomelec gnoech/ ghedaen en(de) schout hen en(de) alle ande(re) d(aer) af quitancie behoeve(n)de volcomelec quite Voirt geloefde de vors(creven) h(er) reynart/ he(re) va(n) scoenvorst den voirg(enoemde) h godev(ar)de roelof en(de) godev(ar)de boxhore(n) vand(er) vorg(eruerde) lijfpe(n)s(ien) altoes gnoech te doene/ w(aer)t dat hen d(aer) af yet te nauwe geschiet wae(re) en(de) hen d(aer) af altoes warant te sine jeghen elk(er)malke(n) Alsoe dat de/ vors(creven) godev(ar)t roelof en(de) godev(ar)t boxhore(n) de vors(creven) lijfpe(n)s(ien) jairlex alsoe langhe als de vors(creven) he(re) va(n) scoenvorst leve(n)/ sal peysselec en(de) vredelec sele(n) moghen hebbe(n) en(de) heffen op de vors(creven) stat va(n) loven(en) ten t(er)mine(n) dat sij valle(n) sal sond(er)/ hynder letsel ocht calaenge va(n) hem ocht va(n) yemant and(er)s [va(n) sine(n) weghe(n)] in eneg(er) manie(re)n v(er)tyende volcomel(ec) op de voirs(creven)/ lijfpens(ien) en(de) op alle trecht en(de) actie dat hi d(aer)aen hadde ocht hebbe(n) mochte in eneg(er) manie(re)n tot behoef godev(ar)t/ roelof en(de) godev(ar)t boxhore(n) vors(creven) Voirt gheloefde de vors(creven) he(re) va(n) scoenvorst in goeden trouwe(n) den vorg(enoemde)/ godev(ar)t roel(of) en(de) godev(ar)t boxhore(n) de p(ri)ncipale lijftocht brieve vand(er) vors(creven) lijfpens(ien) ov(er) te gheve(n) tusschen/ dit en(de) ons(er) vr(ouwen) dach pur(i)f(icati)[o] [naestcomende] En(de) o(m)me dese vors(creven) vorw(er)den en(de) ghelufte(n) wel en(de) volcomel(ec) te houden en(de) te voldoene/ Soe heeft de vors(creven) h(er) reynart he(re) va(n) scoenvorst en(de) va(n) zichene(n) verbonde(n) en(de) v(er)obligeert en(de) bekende ende/ verlide dat hi v(er)obligeert en(de) v(er)bonde(n) hadde hem sijn oir en(de) nacomelinghe en(de) alle sine goede beruerlec en(de)/ omberuerlec Soe waer ocht te wat steden ocht ond(er) wat he(re)n dat sij beleghen sijn ocht vonden sele(n) w(er)den/ o(m)me waile en(de) volcomel(ec) te houden en(de) te volvuere(n) den voirg(enoemde) godev(ar)de roel(of) en(de) godev(ar)de boxhore(n) alle/ de gheluften en(de) poente(n) voirscr(even) En(de) die vors(creven) gheluften en(de) poente volcomel(ec) te v(er)reyke(n) te v(er)volghe(n) en(de) te/ verhale(n) op hem en(de) op alle sine en(de) sijnre erfghename(n) en(de) nacomeling(en) goede Soe waer en(de) te wat tiden/ dat d(aer)af ghebrec wae(re) in eneg(er) manie(re)n calstr(is) huffle octobr(is) viii[a] xcv[o]
//
De vendic(i)o(n)e pens(ionis) d(omi)ni de scoenvorst