SAL7707, Akte: V°1.3 (1 van 85)
Vorige | Volgende
(Alleen getranscribeerde akten)
Akte V°1.3  
Act
Datum: 1390-07-08

Transcriptie

2018-01-28 door xavier delacourt
It(em) want twist en(de) tebat geweest hebbe(n) tussce(n) marie(n) die wijf wile(n) was jans [vande(n)] p(er)re dieme(n)/
heet hauwe he(re)n henr(icke) prieste(r) janne claese en(de) g(er)trud(en) hae(r) kinde(re) [jans? ....?] in deen side janne/
en(de) pet(ere) pep(er)core(n) gebrued(er)s henr(icke) zomer en(de) kat(linen) sijn wijf zuste(r) des vors(creven) jans en(de)/
pet(ere) in dand(er) side als vande(n) goede(n) ter bruele belege(n) in de p(ro)chie va(n) love(n)joel die wile(n)/
arnt vande(n) p(er)re ald(aer) te houde(n) plach oud(er)vad(er) d(er) vors(creven) kinde(re) Soe sijn come(n) die vors(creven)/
p(ar)tien voe(r) scepen(en) van lov(en) en(de) sijn des bleve(n) in segghe(re)n en(de) in vriendelec iffene(re)n Dats/
die weten(e) die vors(creven) marie(n) en(de) hae(r) kinde(re) in he(re)n willeme van winczele ridde(r) en(de)/
henr(icke) corneke(n) en(de) die vors(creven) jan en(de) pet(er) pep(er)core(n) gebruede(re)n henr(ic) zom(er) en(de) kat(line) sijn/
wijf in woute(re)n vande(n) borchove en(de) in henr(icke) vande(n) borchove In alsulk(er) voege(n) dat/
die vors(creven) p(ar)tien hae(re)n segghe(re)n ov(er)gheve(n) sele(n) in gescrichte soe wat sij recht sij he(n)/
v(er)mete(n) tot de(n) vors(creven) goeden binne(n) eenre maent nu naest comen(de) alsoe dat die/
vors(creven) segghe(re)n hae(r) segghen tussce(n) den vors(creven) p(ar)tien uten en(de) p(ro)nu(n)ciere(n) sele(n) d(aer) af/
binne(n) xiiii nachte(n) dan d(aer) naest volgen(de) En(de) soe wair die vors(creven) segghe(re)n binne(n)/
den vors(creven) tide niet van acorde en worde(n) dat dan die vors(creven) segghe(re)n ene(n) ov(er)ma(n)/
kiesen sele(n) wien sij wilen en(de) met welke(n) ii segghe(re)n die ov(er)man bleve dat soude/
ghehoude(n) sijn en(de)[also dat die ov(er)man] d(aer) af sijn segghen se p(ro)nu(n)ciere(n) [sal] met de(n) vors(creven) ii segghe(re)n binne(n)/
xiiii nachte(n) d(aer) naest volgen(de) .? met alsulk(er) condicie(n) soe wair enich vande(n)/
vors(creven) segghe(re)n ghebrake va(n) enigh p(ar)tien dat dan die p(ar)tie ene(n) ande(re)n wed(er) kies(en)/
sal in de stat Ende hebbe(n) geloeft die vors(creven) p(ar)tien soe wat die vors(creven) iiii segghe(re)n/
ocht die ov(er)man met ii vande(n) vors(creven) iiii segghe(re)n [d(aer) af] eendrecht(ichlec) segge(n) en(de) p(ro)nu(n)ciere(n)/
sele(n) vast en(de) gestedich te houden(e) en(de) te voldoen(e) op de sake v(er)lore(n) en(de) op ene(n) banduy(n)/
va(n) c gulden(en) (et)c(etera)? lyemi(n)ge(n) h(er)shals viii julii It(em) de segghe(re)n sijn come(n) voe(r) scepen(en)/
en(de) hebbe(n) de p(ar)tien geset op hae(r) ierste(n) cor(am) h(er)s h(er)tsha(l)s v aug(usti)
Nagekeken doorGreet Stevens , Jos Jonckheer
ModeratorGreet Stevens
Laatste update:: 2017-02-22 door Xavier Delacourt