It(em) jan ut(en) hove dieme(n) heet de zedele(re) heeft ghegeve(n) (et)c(etera) woute(re)n de custe(re) ty(m)m(er)man/ die woninghe met de(n) huse(n) hove boegarde en(de) mette(n) wi(n)nende lande dair toe hoeren(de)/ Te houden(e) (et)c(etera) va(n) half m(er)te naist comen(de) tot ene(n) t(er)mijn va(n) ses jae(re)n deen nae (et)c(etera)/ Dats te weten(e) die wi(n)nende lande elx jairs hie(re)n binne(n) op xxviii(½) mudde rogs/ d(er) mate(n) va(n) lov(en) goet [met wa(n)ne en(de) met] (et)c(etera) te sinte andries misse apostels te betale(n) en(de) te love(n) (et)c(etera) en(de)/ elke(n) t(er)mijn alsch v(er)volghde schout Voert sal die vors(creven) wout(er) gheve(n) jairlex/ hie(re)n binne(n) xxxii mandele(n) walme(re)n die husinghe met te decke(n) en(de) soe wa(n)neer/ me(n) die ald(aer) v(er)dect soe sal wout(er) de(n) wercliede(n) de cost gheve(n) en(de) jan vors(creven) de dachue(re)/ Oic sal die vors(creven) wout(er) hie(re)n binne(n) d op elc dachmael lants legge(n) v scat voeder mest/ en(de) die vors(creven) lande wi(n)nen en(de) w(er)ve(n) wel en(de) loflec ghelijc sine(n) reghenote(n) bove(n) (et)c(etera)/ en(de) die vors(creven) lande late(n) ghelijc hise vinde(n) sal in sine(n) in comene ende doeft dat inde(n)/ vors(creven) boegarde wasse(n) sal dat af sal die vors(creven) jan tvierdel hebbe(n) en(de) wout(er) sal hem/ dat te love(ne) leve(re)n Oic sal die wout(er) iiii daghe den elx jairs hie(re)n binne(n) de(n) vors(creven)/ janne met sine(n) waghe(n) en(de) p(er)de [diene(n)] ende die vors(creven) wout(er) sal houwe(n) moege(n) also vele/ breme(n) als hi orbe(re)n mach in sine(n) oeve(n) Oic sal die vors(creven) wout(er) die wilghen en(de) die haghe(n)/ ald(aer) te behoirleke(n) tide(n) moege(n) truncke(n) om die goede met te bevrede(n) [en(de) de(n) afval d(aer)af behoude(n)] en(de) soe wair hi enighe/ v(er)droeghde wilghe af hieuwe dair voe(r) sal hi twee pote(n) wed(er) sette(n) Oic sal die vors(creven)/ wout(er) die goede ten leste(n) jae(r) vande(n) vors(creven) t(er)mine betuynt en(de) bevredt late(n) wel en(de) loflic/ Oic sal die vors(creven) jan half die duve(n) aldair hebbe(n) en(de) wout(er) dand(er) helicht en(de) dair voe(r)/ sal wout(er) die duve(n) te wint(er) tide corne Ende dese vorwarde(n) bove(n) bescr(even) hebbe(n) geloeft/ malc ande(re)n (et)c(etera) monte albus de ov(er)loe in die lamb(er)ti