SAL7709, Act: R°148.1 (47 of 184)
Search Act
previous | next
Act R°148.1  
Act
Date: 1409-10-06

Transcription

2020-04-26 by xavier delacourt
Van janne vande(n) plassche/
Op den dach van heden int jaer ons he(re)n xiiii[c] neghen des sat(er)daeghs/
vijf dage in octobr(i) sprac aen lodewijc roelant [meyer va(n) lov(en)] van ons ghenedichs/
he(re)n wegen va(n) brabant voe(r) sente pet(er)s ma(n)ne [va(n) lov(en)] janne vande(n) plassche/
alse sente pet(er)s man en(de) seyde hem aene dat hi op tijt voerlede(n) gheseeght/
en(de) ghekendt hadde jegen ene(n) colijn den vorste(r) van erkene(n) tot erkenen/
ond(er) de vrouwe van wedergreete dat hi en(de) de vors(creven) colijn die twee p(er)de/
die colart longin verlo(r)en hadde ghenome(n) hadde(n) ende die v(er)cocht tot/
mabeuge des de vors(creven) vorste(r) loechende en(de) seyde dat hijs niet gedaen en/
hadde maer hadde hijt selve ghedaen dies en wiste hi niet en(de) dat dat/
waer wae(r) dat boet de vors(creven) meye(r) te bethoene(n) met meye(r) en(de) scepen(en) va(n)/
erkene(n) en(de) met chirographen van vo(n)nissen die d(aer) op [ten hoede] te nyvele ghehaelt/
wae(re)n [seggende dat hi d(aer) aen gebroect hadde lijf en(de) goet ocht alsulken broke als sente pet(er)s manne wisen souden dat hi daer aen gebroect hadde] Daer op dat jan vande(n) p(r)inssche? vors(creven) met sine(n) ghelev(er)de voerspreke/
hem verantwerdde en(de) seyde dat hi van dien stucke en(de) va(n) dien feyte on/
sculdich wae(r) en(de) met ene(n) hoetvo(n)nisse dat de scepen(en) va(n) erkene(n) te nyvele/
te hoe(re)n hoede ghehaelt hadde(n) [daer af] quite en(de) onghehoude(n) gewijst w(er)t ende/
dat boet hi te behoene(n)? met den meye(r) ende scepen(en) va(n) erkene(n) die daer/
jegewordich wae(re)n Voert boet hi te bethoene(n) dat hi sid(er) dat dat geschiede/
beyde d(er) he(re)n meye(r) tot erkene(n) geweest hadde en(de) als scepen met de(n) and(ere)n/
scepen(en) ald(aer) inde banc ghesete(n) hadde en(de) scepen geweest En(de) voert/
boet hi oec te bethoene(n) dat colart longin die de vors(creven) p(er)de verlo(r)en/
hadde hem sid(er) dat de vors(creven) worde gelopen hadde(n) sijnre docht(er) te huwe/
leke ghegeve(n) hadde tot ene(n) wettegen wive die hi noch hadde segge(n)de/
dat hi mids dier redene(n) quite en(de) onghehoude(n) sijn soude vand(er) tycht die/
de meyer va(n) loven(e) te hem w(er)t gedaen hadde en(de) begherde dat men/
hem dat keerde tot den sente pet(er)s ma(n)nen en(de) daets hem een wettich/
vo(n)nisse daer op dat de sente pet(er)s ma(n)ne ghemaent vande(n) meye(r) vors(creven)/
wijsde(n) voe(r) een vo(n)nisse want de meye(r) en(de) de p(ar)tie hen thoenisse(n) ver/
mete(n) hadde(n) dat men hoe(r) beyd(er) thoene(n) aenhoe(re)n soude en(de) dae(re)n teynde(n)/
recht alsoe dat de meye(r) ende p(ar)tie in beyde(n) side(n) thoendde(n) met/
meye(r) en(de) scepen(en) va(n) erkene(n) d(aer) oec ghelesen en(de) ghehoert worde(n) de/
chirographen d(aer) hem de meyer toe v(er)mat en(de) alle thoenisse d(aer) de vors(creven)/
jan vande(n) plassche hem toe v(er)mete(n) hadde en(de) oec brieve die hi d(aer) ten/
rechte bracht hadde ende ten eynde alle thoenisse in beyde(n) siden ghe/
hoert sente pet(er)s ma(n)ne ghemaent vande(n) vors(creven) meyer nae aen/
sprake nae antw(er)dde nae thoenisse en(de) nae al dats voe(r) hen comen/
wae(r) wijsden voe(r) een vo(n)nisse den vors(creven) janne quite en(de) onghehouden/
van alsulk(er) aensprake(n) als de meye(r) te hem w(er)t ghedaen hadde Hier/
wae(re)n ov(er) als sente pet(er)s ma(n)ne woute(r) py(n)noc co(m)moing(e)meest(er) va(n) lov(en)/
lodewijc py(n)noc henr(ic) vande(n) borch(oven) janne vande(n) huffele jan rogge jan/
vande(n) borch(oven) en(de) gielijs de rike datu(m) ut sup(ra)
ContributorsGreet Stevens
Moderated byGreet Stevens
Last update: 2017-03-08 by Xavier Delacourt