Wij henric vanden borchoven ende henric absoloens scepen(en) van loven(e) doen/ cond ende kenlic allen lieden dat voir onss comen sijn de mombo(r)en en(de) meest(er)sen/ vand(er) f(er)merien des beghijnhoofs te loven(e) ende hebben geconstitueert ende/ mechtich gemaect vand(er) voirs(creven) f(er)merien wegen symoen van crodenpoel/ hoe(re)n clerc alsulken mudde pacht tarwen d(er) maten van duerne erfs pachs/ als de voirs(creven) f(er)me(r)ie heeft op een boenre lants dat nu houdende es gord/ van bierbeke gelegen te duerne naest den yersten boend(er) voir de porte/ des voirs(creven) gords ae(r) ald(aer) gelijc dat volcomelic begrepe(n) es in ene(n) scepen(en)/ brief van duerne dair op gemaect Den selve(n) godev(ar)de en(de) sine(n) naecome/ lingen te nede(re)n ende te v(er)minde(re)n voe(r) meye(r) ende scepen(en) van duerne/ op twelf molevate rox d(er) maten van loven(e) erfspachts van nu voirtaen/ erflic alle jae(re) te s(int) andries misse apostels te betalen en(de) te loven(e) inde(n)/ voirs(creven) f(er)me(r)ie te leve(re)n d(er) selv(er) f(er)me(r)ien voirtaen erflec in orconde orconscap/ van welken dingen wij scepen(en) van loven(e) voirgh(enoemt) onse(n) zegel aen dese/ l(ette)ren hebben gehangen geg(even) xix dage in junio