Van janne vande(n) zipe/ Het es come(n) in rechte voe(r) meye(r) en(de) scepen(en) va(n) lov(en) woute(r) vand(er) quad(er)st(ra)ten/ en(de) heeft aenghesproke(n) als erfghename(n) lijsbette(n) wile(n) vander quad(er)st(ra)ten/ sijnre sust(er) alsulke(n) erfleke(n) goede als bleve(n) nae de doet d(er) vors(creven) lijsbette(n)/ sijnre sust(er) geleg(en) inde p(ro)chie va(n) campenh(out) en(de) d(aer) omtrent tot welke(n) goede(n)/ jan vande(n) zipe natuerlec sone d(er) selv(er) lijsbette(n) ov(er)mids vo(n) v(ir)tuyt va(n) scepen(en)/ br(ieve) va(n) loven(en) hem bekendt vand(er) selv(er) lijsbette(n) sijnre moed(er) met de(n) meye(r)/ en(de) scepen(en) va(n) campenh(out) beleydt en(de) gedaen es segghende de vors(creven) woute(r)/ dat hem de vors(creven) goede alse naeste erfgename sijnre vors(creven) sust(er) en(de) va(n) wettege(n)/ bedde sculdich wae(re)n te volgen [en(de) die aenverdt hadde alse recht erfgename] daer op dat de selve jan vande(n) zipe antw(er)de dat/ nae dke(n)nen en(de) v(er)lyen dat de vors(creven) woute(r) verlijt hadde dat hi alse naeste erfghe/ name sijnr(e) sust(er) goede aenverdt hadde dat hi hem sculdich wae(re) te betale(n) ii[c] oud(er)/ scilde die hem sijn vors(creven) moed(er) gheloeft hadde met ene(n) scepen(en) br(ieve) va(n) lov(en) dien/ hi inde banc lesen dede ocht datme(n)ne in sine(n) beleyde houde(n) soude op dwelke/ de meyer va(n) lov(en) maende de scepen(en) va(n) lov(en) nae aensprake en(de) antw(er)de vande(n)/ vors(creven) p(ar)tien die hen d(aer) op beriede(n) en(de) wijsde(n) voe(r) een vo(n)nisse datmen den/ vors(creven) janne houde(n) soude in sine(n) beleyde va(n) alsulke(n) goede(n) als bleve(n) we(re)n nae/ de doet d(er) vors(creven) lijsbette(n) sijnre moed(er) Hier wae(re)n ov(er) lodewijc py(n)noc henr(ic)/ vande(n) borch(oven) joh(ann)es rogge joh(annes) borch(oven) gheert va(n) haenwijc joh(annes) hertshals/ en(de) joh(annes) maes jul(ii) xi[a]
//