Van janne van traley/ Item want een gedinge inde banc te loven(e) gestaen en(de) geweest heeft tusschen/ va(n) traley die mids goedinge(n) uut beleyde va(n) scepen(en) brieve(n) va(n) loven(e) hem/ bekendt va(n) reynart va(n) traley en(de) joffr(ouwen) marien sine(n) wive docht(er) wilen/ wout(er)s van oultre aywe come(n) es tot de(n) goede(n) die wae(re)n des vors(creven) reynarts/ en(de) joffr(ouwen) ma(r)ien sijns wijfs belegen te g(ra)nt leys in deen side en(de) henr(icke) van raetshove(n)/ va(n) ha(n)nut op dande(r) side Daer de vors(creven) henric een aensprake [ten vors(creven) ja(n)ne wert] dede en(de) seyde/ dat hi de naeste leve(n)de wae(r) van dien goede(n) vand(er) siden d(er) vors(creven) joffr(ouwen) ma(r)ien/ daer sij af come(n) wae(re)n dwelc hi boet te bethoene(n) en(de) seyde voert dat die/ goede voertijts te huweleke ghegeve(n) hadde(n) geweest d(er) selv(er) joffr(ouwen) ma(r)ien/ met hoe(re)n yersten man Met alsulk(er) condicien soe waer sij va(n) live ter/ doet quame sond(er) wettege geboerte nae hoe(r) te laete(n) va(n) xv jae(re)n out/ dat dan de goede ke(re)n en(de) come(n) soude(n) op de naeste(n) leve(n)de(n) d(er) selv(er) joffr(ouwen)/ vand(er) siden daer sij af come(n) wae(re)n en(de) dat boet hi oec te bethoene(n) Daer [op] dat/ jan va(n) traley hem v(er)antw(er)dde en(de) wed(er)redende alle de woerde die henr(ic) va(n)/ raetshove(n) hadde doen seggen en(de) seyde dat henrike die ne(m)m(er)meer scade doen/ en soude(n) noch hem onstade en(de) dat hi bliven soude inde(n) beleyde en(de) inder/ goedingen va(n) sinen scepen(en) brieve(n) va(n) loven(e) en(de) seyde oec dat dbeleit vande(n)/ vors(creven) goede(n) gedaen en(de) gheschiet wae(r) eer de vors(creven) joffr(ouwe) ma(r)ie va(n) live ter/ doet quam en(de) dat boet hi te bethoene(n) en(de) versochte aen de(n) richte(r) dat hine/ hielde inde(n) beleyde en(de) in sijnre goedingen vors(creven) en(de) dat hijt hem keerde ten/ scepen(en) w(er)t en(de) daeds hem een wettich vo(n)nisse alsoe dat de scepen(en) gemaent/ vande(n) meye(r) nae aensprake en(de) nae antw(er)de wijsden voe(r) een vo(n)nisse wa(n)t/ de p(ar)tien hen thoenisse v(er)mete(n) hadde(n) dat men dat aenho(r)en soude en(de) dae(re)n/ teynde(n) recht Dwelc gheschiede en(de) die thoenissen aenhoert soe worden de/ scepen(en) voert ghemaent nae aensprake nae antw(er)de nae al dats voe(r) hen/ come(n) wae(r) wats va(n) rechte sijn soude alsoe dat sij wijsde(n) voe(r) een vo(n)nisse/ nae al dats voe(r) hen come(n) wae(r) dat die aensprake die henr(ic) va(n) raetshove(n)/ gedaen hadde te ja(n)ne w(er)t va(n) traley janne va(n) traley gheen onstade doen/ en soude en(de) dat men den selve(n) ja(n)ne houde(n) soude ind(er) goedinge(n) va(n) sine(n)/ vors(creven) scepen(en) brieve(n) py(n)noc borch(oven) rogge borch(oven) h(er)tshals aug(usti) xxvii[a]/ anno xiiii[c] ix[o]