Cont sij allen liede(n) dat h(er) lod(ewijc) py(n)noc ridde(r) es come(n) in jegew(or)dich(eit) d(er)/ scepen(en) va(n) lov(en) en(de) heeft geg(even) en(de) beke(n)t dat hi geg(even) heeft wille(m)me/ boydens va(n) ov(er)hem sijn woninge mette(n) huysen hove(n) wy(n)nende en(de)/ beemde(n) d(aer) toe hoe(re)nde gelege(n) te bebbene(m) inde p(ro)chie va(n) meld(er)t/ Te houde(n) te hebbe(n) en(de) te wy(n)nen va(n) half m(er)te naest lede(n) ene(n) t(er)mijn/ va(n) vi jae(re)n deen nae dand(er) d(aer) nae staphans volg(ende) elx jaers/ dae(re)n bi(n)ne(n) de vors(creven) wy(n)nende lande o(m)me xxxii(½) mudde corens/ goet en(de) payabel d(er) maete(n) va(n) lov(en) alsulx corens als inde p(ro)chie/ va(n) meld(er)t wassen sal dats te v(er)staene de twee tweedeel rogge/ en(de) terdel tarwe te s(ente) andr(ies) misse apost(els) te betale(n) en(de) te lov(en)/ te leve(re)n alle jae(re) de(n) vors(creven) t(er)mijn due(rende) en(de) telke(n) t(er)mine als v(er)volg(de)/ schout Ite(m) sal hebbe(n) de vors(creven) wy(n)ne de beemde en(de) eussele metde(n)/ bog(ar)de den vors(creven) hove toebehoe(re)nde alle jae(re) de(n) vors(creven) t(er)mijn duer(ende)/ o(m)me xi holl(ansche) guld(en) va(n) goude goet en(de) gheve te s(ente) i m(er)tens misse/ inde(n) wynter te betalen en(de) telken t(er)mine als v(er)volghde schout Ite(m) es/ vorw(er)de dat de vors(creven) wy(n)ne allet stroe en(de) voesteringe dat vande(n)/ vors(creven) goede(n) come(n) sal ette(n) en(de) v(er)te(re)n sal in tvors(creven) hof met sine(n) beeste(n)/ en(de) mest d(aer) af make(n) en(de) dat vue(re)n op tvors(creven) lant slants meeste(n)/ p(ro)fite en(de) tvors(creven) goet wy(n)nen wel en(de) loeflec gelijc sine(n) reenghenote(n)/ bove(n) en(de) benede(n) Oec en sal de selve wy(n)ne in sine(n) leste(n) jae(re) gheen/ lant [mogen] hoervrochte(n) Ite(m) sal de selve wy(n)ne de(n) vors(creven) h(ere)n lod(ewijcke) alle jae(re)/ ii[c] walms levere(n) o(m)me de huyse ald(aer) mede te decke(n) en(de) als me(n)/ de vors(creven) huysinge(n) plecke(n) ocht decke(n) doet d(aer) af sal de vors(creven) h(ere)n lod(ewijc)/ de dachuere(n) gelde(n) en(de) de vors(creven) wy(n)ne de(n) werckliede(n) de(n) cost gheve(n)/[uutghescheide(n) va(n) nuw(er) ty(m)meringe(n)] Ite(m) sal de vors(creven) wy(n)ne int leste jaer va(n) sine(n) t(er)mine twee arde te/ wete(n) de(n) wynt(er) art en(de) de(n) some(re)n zom(er) art laete(n) besaeyt alsoe/ hise vant in sine(n) income(n) Oec sal hi de brake laete(n) alsoe hise/ vant Ite(m) selen de vors(creven) h(er) lod(ewijc) en(de) de wy(n)ne alle doeft alst tijtv(er)dich/ es inde(n) bog(ar)t ald(aer) wassende op hoe(r) beyd(er) cost t(er) erde(n) leveren/ en(de) d(aer) af sal h(er) lod(ewijc) deen helft hebbe(n) en(de) de wy(n)ne dand(er) helft/ en(de) de helft des vors(creven) h(ere)n lod(ewijx) sal de wy(n)ne hem te loven(e) leve(re)n/ en(de) de wy(n)ne sal de(n) lesers de(n) cost gheve(n) Ite(m) alle de have die/ de vors(creven) wy(n)ne inde vors(creven) goede b(ri)ngen sal sal pant sijn en(de) blive(n) des vors(creven)/ h(ere)n lod(ewijx) voe(r) de vorw(er)de(n) vorscr(even) En(de) alle de vors(creven) vorw(er)de(n) h(enrico) borch(oven) h(er)sth(als)/ dec(embris) vi