Ite(m) want vande(n) stoete en(de) deedingen als [die] geweest hebben tusschen ja(n)ne/ van laetwijc in deen side en(de) janne va(n) bierbeke cled(er)make(r) in dande(r) side/ van eenre gote(n) liggende tusschen hoe(r) beyd(er) erve ghelege(n) inde biestst(ra)te/ en(de) van ene(n) wat(er)vallen ald(aer) en(de) va(n) allen stoete d(aer) af tussche(n) hen beyde(n)/ wesende Soe sijn beyde de vors(creven) p(ar)tien come(n) voe(r) scepen(en) va(n) lov(en) h(ier) nae genoe(m)t/ en(de) sijn van allen de(n) vors(creven) stoete en(de) des d(aer) uut ruere(n) mach bleve(n) ind(er) stat/ geswor(en) meest(ere)n en(de) wercliede(n) te wete(n) [in] meest(er) janne bate(n) meeste(er) henr(icke)/ ondoe(re)n en(de) meest(er) ja(n)ne pau En(de) hebbe(n) geloeft beyde de vors(creven) p(ar)tien/ vast en(de) gested(ich) te houde(n) en(de) te vold(oen) soe wes de vors(creven) meest(ere)n vande(n)/ vors(creven) stoete [op hoe(re)n eet] segge(n) en(de) ordine(re)n selen