Cont sij allen liede(n) dat meest(er) woute(r) de reviere (et) gielbart/va(n) d [de] tielle [beide van] derkene(n) sijn come(n) in jeg(ewordicheit) d(er) scepen(en) va(n) lov(en) en(de) hebbe(n) ghe/ nome(n) en(de) bekendt dat sij ghenome(n) hebbe(n) van h(ere)n b(er)telmeeus cro(m)me/monc canonc regul(ie)r (et) p(ri)oir scloest(er)s va(n)de(n) p(er)reke inde(n) name va(n)de(n)/ vors(creven) cloeste(r) alle de lande beemde en(de) eusele des selfs cloest(er)s gelege(n)/ te erkene(n) en(de) d(aer) omtrent Met allen den gedeelte en(de) rechte dat/ tvors(creven) cloest(er) heeft inde groete tiende va(n) erkene(n) also als tcove(n)t/ vande(n) vors(creven) cloeste(r) de vorscr(even) lande beemde eusele en(de) tghedeelte va(n)de(n)/ tiende(n) vors(creven) [ald(aer)] houde(n)de es Te houde(n) te hebbe(n) en(de) te wy(n)nen va(n) s(ent) jans/ misse naest come(n)de ene(n) t(er)mijn va(n) ix jae(re)n deen nae dand(er) d(aer)nae/ staph(ans) volg(ende) els jaers dae(re)n bi(n)ne(n) o(m)me xvii(½) mudde rox goet/ en(de) payabel d(er) maete(n) va(n) lov(en) [alsulx als d(aer) omtrent gemeynl(ec) wassen sal] met wa(n)ne en(de) met veede(re)n wel ber(eit)/ te s(ent) andr(ies) misse te betale(n) en(de) bi(n)ne(n) de(n) vors(creven) cloeste(r) te leve(re)n/ alle jae(re) den vors(creven) t(er)mijn duer(ende) [alsoe dat sij by(n)ne(n) de(n) vors(creven) ix jae(re)n betale(n) sele(n) [ix pachte]] en(de) telke(n) t(er)mine als vervolghde schout/[met vorw(er)den soe wa(n)neer sij den vors(creven) pacht int vors(creven) cloest(er) leve(re)n sele(n) datme(n) hen hoe(re)n mont cost doen sal]/schout [en(de) dan sal men hen den mont cost gheve(n)] Behoudelec dien dat men den vors(creven) wynne(n) va(n) jae(re) te jae(re)/ viii mudde rox vande(n) vors(creven) pachte v(er)verde(n) sal op dat sij willen tot/ nae dex de(n) oeghste dan naest volg(ende) Met alsulk(er) vorw(er)de(n) dat/ de vors(creven) wy(n)nen de vorscr(even) lande bi(n)ne(n) de(n) vors(creven) t(er)mine wel en(de) loeflec/ eens ov(er)meste(n) sal [selen] gelijc sine(n) reengenoete(n) Ite(m) mach [mogen] de vors(creven) wy(n)nen/ bi(n)ne(n) den vors(creven) t(er)mine de hagen afhouwe(n) willege(n) en(de) pople(re)n stru(n)cke(n)/ te behoerleken tide En(de) wart dat d(aer) enege(n) boem v(er)droeghde die/ selen de vors(creven) wy(n)ne(n) moge(n) afhouwe(n) en(de) voe(r) elke(n) twee pote(n) vande(n)/ selve(n) arde wed(er) sette(n) en(de) plante(n) opvuede(n) Waert oec alsoe dat de/ vors(creven) wynnen inde vors(creven) t aen de vors(creven) goede en(de) tiende [bi(n)nen de(n) vors(creven) t(er)mine] schade name(n)/ ocht lede(n) va(n) tempeeste(n) ocht va(n) gemeyne(n) orloge daer af sal hen/ tvors(creven) cloeste(r) rastoer doen gelijc ande(re)n he(re)n hoe(re)n wy(n)nen bove(n) en(de) benede(n)/ doen selen Voert es vorwerde dat de vors(creven) wy(n)ne(n) de vors(creven) lande/ laete(n) [sal sele(n)] ten eynde vande(n) vors(creven) t(er)mine alsoe sijse vonde(n) in hoe(re)n income(n)/ dats te wete(n) drie boende(r) in hezendelle en(de) noch een boend(er) in hesendelle/ gelege(n) neve(n) [lant] sh sjonche(re)n va(n) zeyne wel en(de) loeflec besaeyt en(de) gewo(n)ne/ met wynt(er)coerne op drie vo(r)en Ite(m) [de] vier boende(re) so en(de) i(½) dach(mael)/ besaeyt wel en(de) loeflec met som(er)coerne op twee voe(re)n Ite(m) de/ brake te wete(n) drie dach(mael) [lants] en(de) noch een half boend(er) [lants] gelege(n) neve(n)/ den bosch des he(re)n va(n) lynte(re) en(de) noch een dach(mael) gelege(n) neve(n) de(n) bosch vors(creven)/ Ite(m) noch een dach(mael) gelege(n) neve(n) de vors(creven) bosch Ite(m) noch een dach(mael)/ gelege(n) ald(aer) inde(n) hornoc neve(n) de(n) bosch vorscr(even)
//
Ite(m) noch een half [boend(er)] gelege(n) ter heyzen set selen de vorscr(even) wy(n)ne/ laete(n) ten eynde va(n) hoe(re)n vors(creven) t(er)mine tweew(er)ven o(m)me gedaen/Ite(m) se Voert es vorw(er)de dat de vors(creven) wy(n)ne ten leste(n) jae(re) va(n)de(n)/ vors(creven) t(er)mine hebben sal [selen] de helcht van alle d(er) vrocht staende en(de)/ sijnde op de vors(creven) lande [ten eynde vors(creven) t(er)mine] sond(er) enege(n) pacht d(aer) af te gheve(n) ocht/ te betalen en(de) des gelijx maer sij en selen gheen recht hebbe(n) noch/ behoude inde beemde i noch inde vors(creven) tiende [bute(n) hoe(re)n vors(creven) t(er)mine] Hier af sijn borge(n)/ des vors(creven) meest(er) wout(er)s en(de) gielbarts als p(ri)ncipael sculde(re)n ongesu(n)d(er)t/ en(de) onghescheide(n) en(de) elc voe(r) al henr(ic) le fevre va(n) erkene(n) en(de) renchon/ hussir r va(n) beirge rademake(r) (et) du o duo p(ri)mi haenwijc maes/ febr(uarii) xv[a]