De d(omi)no balduino de foil p(res)b(yte)ro/ et rob(er)to de offus/ Item het sijn comen inde banc voe(r) meye(r) en(de) scepen(en) van lov(en) inde(n) rechte/ de vors(creven) h(er) baudewin die ov(er)mids vo(n)nisse van scepen(en) brieve(n) va(n) loven(e)/ beleydt was tot den goeden heylwige(n) docht(er) gheerts wilen van offus/ gelegen tot offus ende te ramelleez in deen side en(de) roebrecht va(n)/ offus in dande(r) side Daer de vors(creven) roebrecht een aensprake dede tot/ den vors(creven) h(er) baudewin meynende en(de) seggende dat hem die goede/ volgen souden en(de) sculdich wae(re)n te volgen mids dien dat hi die va(n)/ naerscape afghequijt hadde janne van hoeye diese ghecocht hadde/ jegen de vors(creven) heylwijch [nae inhoude(n) va(n) sinen scepen(en) br(ieve) va(n) geldenake] en(de) oec dat hi de helcht d(aer) af v(er)cregen hadde/ jegen ma(r)ien d(er) vors(creven) heilwige(n) sust(er) Daer de vors(creven) h(er) baudewin gheen/ beleyt van scepen(en) brieve(n) [va(n) lov(en)] op en hadde op dwelke de vors(creven) h(er) baudewin/ hem v(er)antw(er)dde en(de) seyde dat hem de vors(creven) goede volge(n) soude(n) en(de) scul/ dich wae(re)n te volgen mids sinen beleyde van sinen vors(creven) scepen(en) brieve(n) va(n)/ lov(en) Alsoe dat [de] scepen(en) van loven(e) gemaent vande(n) meyer wijsden voe(r) een/ vo(n)nisse en(de) setten de p(ar)tien inde(n) hof daer de goede af ruere(n) recht/ te neme(n) en(de) te gheve(n) Hier wae(re)n ov(er) py(n)noc h(enrico) borch(oven) joh(anne) borch(oven)/ h(er)tsh(als) maes ap(ri)lis xix[a]