Item de voirs(creven) iiii segghe(re)n hebben hoe(r) seggen vande(n) voirs(creven) sake(n) geseeght/ inder manie(re)n hier nae volghende/ Item inden iersten es hoe(r) segghen dat de voergh(enoemde) goessen den voirs(creven) henricke/ sine(n) brued(er) betalen sal xlviii mottoene(n) te weten xxvii pl(acken) voer ii mottoene gerekent/ tusschen dit ende s(int) nijs misse naest comende ende daer af sal de selve goessen den/ voirs(creven) henric goede borghen setten bynne(n) viii dagen naest comende/ Voert es hoe(r) segghen dat van alsulken gelde als goessen inde vroente verteert/ heeft dat hi dat betalen sal bynne(n) viii dagen naest comende te loven(e) ind(er) stat/ wissel/ Voertmeer es hoe(r) segghen eest alsoe dat de voirs(creven) henric en(de) goessen deen den/ ande(re)n yet aen te spreken hebben van enig(er) ande(r) schout of vorwerden dat sij dat/ doen moghen met den rechte ter stat daer dat sculdich es te geschien Ende dese/ poente voirs(creven) hebben de voirs(creven) segghe(re)n geseeght gehouden te werden op den/ banduyn inden voirs(creven) co(m)p(ro)misse begrepen Welke seggen beyde de vorscr(even)/ p(ar)tien geloeft hebben vaste en(de) gested(ich) en(de) te voldoen py(n)noc lomb(ar)t/ aug(usti) ulti(m)a