Cond sij allen liede(n) dat jan borneman van raetshove(n) hubrecht woute(r) marie/ en(de) alijt sijn kynde(re) te vo(r)en uut des selfs hoers vad(er)s brode gedaen sijn comen/ in jegewordich(eit) der scepen(en) van loven(e) en(de) hebben genome(n) ende bekendt dat/ sij genome(n) hebben [ongesund(er)t en(de) ongesch(eiden) en(de) elc voe(r) al] van vrouwe joha(n)ne(n) roubais weduwe h(ere)n arnts wile(n)/ he(re) de beschiele? [beschiele?] die ov(er)mids vo(n)nisse van scepen(en) brieve(n) van loven(e) beleidt/ es tot allen den goeden have en(de) erve sandrart van hemptinez sone h(er) robeerts/ van hemptinez ridd(er)s soe waer die beleghen selen de woeni(n)ge die was des/ voirs(creven) sandrarts met den bogarde met sine(n) begripe onder en(de) bove(n) ende/ allen sinen toebehoerte(n) met vierenvijftich en(de) een (½) boende(re)n lants drie/ groet roede(n) en(de) een halve en(de) viii cleyn roede(n) lants geleghen te jandraine/ en(de) daer omtrent in drien arden te wete(n) den ene(n) aflos del batte den ande(re)n/ als bauchelle? [bauchelle?] en(de) den derden a pynchomont uutgenome(n) de grote came(re)/ inde voers(creven) woeni(n)ge staende met den solde(r) daer bove(n) mette(n) pert stalle/ en(de) metten cleynen stalle daer neve(n) geleghen [de welke m(ijn) vrouwe te hoe(r) w(er)t behouden heeft] Te houden te hebben ende/ te wynne(n) van alre heyleghen misse lestlede(n) ene(n) t(er)mijn van neghen/ jae(re)n lang deen nae dand(er) daer nae staphans volgende Elx jaers dae(re)n/ bynne(n) o(m)me achtentsestich mudde en(de) vier doseyne(n) corens pacht van/ jandraine wel bereidt met wanne en(de) met vede(re)n der maten van jandraine
//
te sinte andries misse apostels te betalen en(de) int voirs(creven) hof op m(ijn) vrouwe(n)/ solde(r) aldaer [vors(creven)] te leve(re)n den voirs(creven) t(er)mijn due(re)nde ende telken t(er)mine als v(er)volghde/ schout met alsulker vorwerden dat de voirs(creven) wy(n)nen dlant dat men heedt/ le courtilz bynnen den voirs(creven) t(er)mine tweewerf wel en(de) loflec ov(er)mesten/ sal en(de) dander lande mar eens Item hebben genome(n) [bekendt] de voirs(creven) wynnen dat/[sij genomen hebben] jeghen m(ijn) vrouwe(n) voirs(creven) de helcht vande(n) beemde diemen heedt de perawez/ Elx jaers hie(re)n bynne(n) o(m)me vier vrancr(ijcse) cronen te s(int) andries misse te/ bet(alen) [als v(er)volghde schout] Behoudelic dien dat sij des beemts quite [en(de) af] sijn moghen alst hen/ genueght Item selen de voirs(creven) wynnen [jaerlex] m(ijn) vrouwen voirs(creven) int voirs(creven) hof/ leve(re)n een half voed(er) hoys alsoe langhe als sij de(n) voirs(creven) bermt houden/ selen en(de) niet langher Voert es vorwerde dat de voirs(creven) wynnen alle stroe/ en(de) voesteringe vande(n) voirs(creven) lande comende jaerlex b(ri)ngen sal [selen] int/ voirs(creven) hof ende dat aldaer etten [en(de) v(er)te(re)n] met sine(n) [hoe(re)n] beeste(n) en(de) te meste maken/ ende dat mest vue(re)n op tvoirs(creven) lant slants meeste(n) p(ro)fite en(de) nerghens/ eld(er)s It(em) es vorwerde dat de voirs(creven) wynnen jaerlex m(ijn) vrouwe(n) leve(re)n/ selen v[c] walms de huyse aldaer mede te decken daer sijs meest te/ doen hebben [selen] ende alsmen die aldaer verdecken sal soe sal de m(ijn) vrouwe/ de dachue(re)n betalen en(de) de wy(n)nen den wercliede(n) hoe(re)n cost gheven/ Oec selen de voirs(creven) wy(n)nen de voirs(creven) huysingen den voirs(creven) t(er)mijn due(re)nde/ houden van vorsten en(de) van wande in goede(n) state op hoe(re)n cost en(de)/ dachue(re)n uutgescheide(n) van grov(er)[en(de) nuwer] ty(m)meringen Item want de voirs(creven)/ wynne(n) den art wynterart geleghen te flo wert del batte houdende/ xvii boend(er) ende twe groet roeden wel en(de) loflec bezaeyt vandt [vynde(n)] met/ wyntercorne op sijn getidege vo(r)en Soe es vorwerde datmen dat/ toeghste naest comende van goeden knapen visente(re)n sal ende ov(er)sien/ wes dat weert mach sijn ende dan saele(n) de wy(n)ne(n) te hen wert/ trecken ende indoen tot hoe(re)n p(ro)fite ende desgelijx sal h selen sij/ ten eynde van hoe(re)n voirs(creven) t(er)mine den selve(n) art oec wel en(de) loflec/ bezaeit laten [met wyntercorne] en(de) dat coren salmen toeghste daer naest volghende/ oec visente(re)n west [wes dat] weert mach sijn met goeden knapen eest dan
//
alsoe dat m(ijn) vrouwen coren ten beghinsel vande(n) t(er)mine beter es [was] dan/ der wynnen coren ten eynde vanden [selve(n)] t(er)mine dat selen de selve wynnen/ m(ijn) vrouwen oprichten Waert oec dat der wynnen coren beter vonden/ worde dan m(ijn) vrouwe(n) coren [dat] soude m(ijn) vrouwe den wynne(n) oprichte(n) en(de)/ altoes te goed(er) knapen prise Item es vorwerde want m(ijn) vrouwe den/ wynnen voirs(creven) gheleent heeft [in hoe(re)n income(n)] achtien mudde corens en(de) xxv mudde ond(er)/ gherste en(de) evene der maten voirs(creven) en(de) xlv(½) gripe(n) ond(er) in perde(n) getouwe(n)/ waghen(en) eegden en(de) ploeghe coeye(n) verken(en) en(de) ande(re)n beeste(n) de welke [Soe es vorw(er)de dat sij die] achtien/ mudde corens xxv mudde ghersten ende evene(n) en(de) xv xlv(½) gripe de/voirs(creven) wynnen geloeft hebben der voirs(creven) vrouwe(n) te betalen [selen] bynne(n) den/ lesten viii jae(re)n vande(n) voirs(creven) t(er)mine te wete(n) bynnen elken jae(re) dachtenstedeel/ daer af altoes te s(int) andries dage apostels als vervolghde schout Item selen de/ voirs(creven) wynnen ten eynde vande(n) voirs(creven) t(er)mine alle stroe en(de) caf vande(n) voirs(creven)/ goeden ghecomen int voirs(creven) hof laten ende oec vierhond(er)t schone onder/ erwete(n) en(de) vechen Item selen de voirs(creven) wynne(n) m(ijn) vrouwen voirs(creven) alle jae(re)/ bynnen den voirs(creven) t(er)mine wel ende loflec mesten en(de) bereide(n) [gelijc den sinen hoe(re)n] dlant vier/ doseyne(n) lijzaets op te zayen daer af dat m(ijn) vrouwe den zaet leve(re)n sal/ en(de) tvlas daer af hebben Item selen de voirs(creven) wy(n)ne(n) hebben de weyde van/ m(ijn) vrouwe(n) bossche te jandraine [gelegen den vors(creven) tijt due(rende)] Behoudelic dien dat sij gheen beesten doen/ en selen opt bosch dat gehoude(n) [gehouwen] es voer aen d(er)re tijt dat [de spruyte(n)] drie jaer oudt sal sijn sele(n)/ It(em) heeft m(ijn) vrouwe voirs(creven) den voirs(creven) wy(n)nen gheleent neghen doseynen/ erweten en(de) neghen doseynen bonen de welke de voirs(creven) wy(n)nen hoe(r) weder/ betale(n) selen ten lesten jae(re) vande(n) voirs(creven) t(er)mine Item es vorwerde dat/ de voirs(creven) wy(n)ne(n) ten eynde vande(n) voirs(creven) t(er)mine de voirs(creven) lande laten selen/ gewonne(n) [gemest] en(de) o(mme)ghedaen alsoe sise vonde(n) in hoe(re)n income(n) Ende alle dese/ voirs(creven) vorwerden ende geloften hebben geloeft de voirs(creven) jan borneman/ hubrecht woute(r) marie en(de) alijt [sijn kynde(re)] der voirs(creven) vrouwen [te houden en(de)] te voldoen tallen/ tide(n) en(de) t(er)mine(n) als sij vallen en(de) verschine(n) selen en(de) telken t(er)mine/ als vervolghde schout ca(pelle)[man] ponte feb(ruarii) xxi