Item jan vrederix de jonghe de ev(er)sb(er)ge in jeg(ewoirdicheit) heeft genome(n)/ en(de) bekendt dat hi genome(n) heeft van meest(er) janne macarijs priest(er)/cureit [p(ro)hiaen] d(er) p(ro)chikerken van meerbeke bi ev(er)sb(er)ge vi boend(er) lants luttel min/ of meer toebeho(r)ende der voirs(creven) p(ro)chiaenscap gelig(en) te meerbeke ende te/ ev(er)sberge ende d(aer) omtrent Te houden te hebben ende te wynne(n) van ene(n)/ t(er)mijn van vi ja(r)en lang deen nae dande(r) staphans volgende elx jaers/ dae(re)n bynnen om de helcht van ald(er) vrucht op de voirs(creven) lande jaerlex/ wassende op alsulken voeghe als de vrucht tijtverdich es dats datse/ de voirs(creven) jan dan bijnden ende inden afdoen sal [op sine(n) cost] ende den voirs(creven) p(ro)chiae(n)/ald altoes sijn helcht van elken stucke in sijn schue(re) vue(re)n eer hij sijns selfs/ helcht rue(re)n sal Ende es vorwerde want de voirs(creven) jan tvoirs(creven) lant/ nu bloet vynt dat hijt ten eynde vande(n) voirs(creven) t(er)mine oic bloet laten/ sal ende voirt dat mest dat de p(ro)chiaen voirs(creven) maken sal van sijnre/ helcht [vanden stroe] dat sal de voirs(creven) jan vue(re)n op tvoirs(creven) lant [tot] des lants meesten/ p(ro)fite ende alsoe vele als de voirs(creven) p(ro)chiaen dair op vuert soe sals de/ voirs(creven) jan oic jairlix d(aer) op schuldich sijn te vue(re)n Oec sal de voirs(creven) jan/ ten derden ja(r)e ende ten sesten jare van sijnre helcht den voirs(creven) p(ro)chiaen/ gheve(n) vi mandelen sto stroes mest af te maken
//
Item heeft de voirs(creven) jan noch genome(n) ende bekendt dat hi genome(n)/ heeft vande(n) p(ro)chiaen voirs(creven) de tyende des voirs(creven) p(ro)chiaens te meerbeke/ voirs(creven) met hoe(r) toebehoerten gelijc hise ald(air) houdende es te Te houde(n)/ ende te hebben den voirs(creven) t(er)mijn van vi ja(r)en durende elx jaers/ dae(re)n bynnen om xiiii mudde rox goet ende payabel alsoe vander/ voirs(creven) tyende(n) come(n) sal te sente andries misse apostel te betalene/ ende te loven te leve(re)nde leve(re)n den voirs(creven) t(er)mijn due(re)nde elx t(er)mijn ....?/[en(de) telke(n) t(er)mine] als vervolde v(er)volghde schout Oic sal de vors(creven) wynne den voirs(creven) / p(ro)chiaen jairlix bynne(n) den voirs(creven) t(er)mine iii molevate erten [erwiten] of/ boene(n) ende vii pont v(er)slagens vlas [leve(re)n] Ende es vorwerde tusschen den/ p(ro)chiaen ende den wy(n)ne voirs(creven) dat de voirs(creven) wy(n)ne tvoirs [tvoirs(creven)] lant vand(er)/ voirs(creven) tyende(n) niet scheyden en sal noch nyemande voirt uutgeven/ bynnen den voirs(creven) t(er)mine sond(er) co(n)sent des voirs(creven) p(ro)chiaens En(de)/ alle de vors(creven) vorw(er)de(n) (et)c(etera) H(ier) af sijn borge(n) als p(ri)ncip(ael) (et)c(etera)/ ludovic(us) vrederix e(ius) fr(ater) laur(entius) de waenrode de stertbeke/ soro(r)i[(us)] d(i)c(t)i joh(ann)is (et) p(ri)m[(us)] borch(oven) py(n)noc in b(ea)[ti] andree [joh(ann)is] an(te)/ nona(m)