SAL7709, Act: V°205.2 (69 of 184)
Search Act
previous | next
Act V°205.2  
Act
Date: 1410-01-20

Transcription

2020-04-29 by xavier delacourt
Ite(m) jan va(n) steenwinkele va(n) leefdale es come(n) (et)c(etera) en(de) .. heeft/
genome(n) en(de) bekent dat hi genome(n) heeft va(n) kat(linen) die wilen wijf/
was gheerts wilen gheylinc en(de) ja(n)ne hoe(re)n sone vier boend(er)e/
een dach(mael) en(de) xxxi roede(n) wynne(n)ts lants gelege(n) inde p(ro)chie va(n)/
leefdale in alrehande gelijc datse hem ald(air) bewijst sijn Te/
houde(n) te hebbe(n) en(de) te wy(n)nen va(n) half meye naest lede(n) ene(n) t(er)mijn/
va(n) xii jae(re)n d(aer) nae deen nae dand(er) staph(ans) volg(ende) elx jaers dae(re)n/
bi(n)ne(n) o(m)me iiii(½) mudde en(de) i(½) mol(envate) [vijf vier mudde en(de) xiiii mole(n)vate] rox goet en(de) payabel d(er) maete(n)/
va(n) lov(en) met wa(n)ne en(de) met veede(re)n wael bereit te s(ent) andr(ies) misse/
te betale(n) en(de) te lov(en) te leve(re)n alle jae(re) den vors(creven) t(er)mijn duer(ende) en(de) telke(n)/
t(er)mine als vervolghde schout En(de) es vorw(er)de dat de vors(creven) wy(n)ne/
de vors(creven) lande laete(n) sal [besaeyt en(de) gewo(n)nen] ten eynde vande(n) vors(creven) t(er)mine alsoe hise vant/
te meye naest lede(n) doen hise aenverde te wete(n) den wynt(er) art/
besaeyt op iiii voe(re)n den evene(n) art besaeyt op twee voe(re)n en(de)/
de brake eens o(m)me gedaen Ite(m) es Voert es vorw(er)de de vors(creven) wy(n)ne/
de vors(creven) lande bi(n)nen den vors(creven) t(er)mine twee werf ov(er)mesten sal/
wael en(de) custberlec Om H(ier) wae(re)n ov(er) (et)c(etera) cor(am) eisde(m)
ContributorsGreet Stevens
Moderated byGreet Stevens
Last update: 2017-03-08 by Xavier Delacourt