SAL7709, Act: V°276.3 (97 of 185)
Search Act
previous | next
Act V°276.3  
Act
Date: 1405-08-22

Transcription

2020-07-20 by xavier delacourt
Item de meye(r) van loven(e) heeft aenghesproke(n) va(n) ons ghened(ichs) he(re)n wege(n) va(n)/
brabant inde banc te loven(e) voe(r) scepen(en) janne mathijs sone symoens mathijs/
va(n) ned(er)hockesele seggende de vors(creven) meyer dat de vors(creven) jan come(n) soude sijn/
inde meye(r)ien va(n) campenh(out) en(de) d(aer) aenverdt soude hebben een meyske(n) die hi/
alsoe meshandelt soude hebbe(n) jeghen hoe(re)n danc en(de) jegen hoe(re)n wille dat/
sij va(n) crachte en(de) va(n) forchen ov(er) hem gheclaecht soude hebbe(n) dwelc de/
vors(creven) meye(r) boet te thoene(n) en(de) dat hi d(aer) aen sijn lijf en(de) sijn goet v(er)boert/
soude hebbe(n) Daer op dat de vors(creven) jan hem v(er)antw(er)de met sine(n) ghelev(er)de/
voerspreke seggende dat hi gheen meye(r) dat hi dancte gode en(de) den rechte/
dat hi gheen meysken en noemde noch nyema(n)ts docht(er) die hi meshandelt/
hebben soude ocht d(aer) hi cracht ocht forche [aen] soude hebbe(n) gedaen en(de) seyde/
w(aer)t dat trecht v(er)mochte en(de) de scepen(en) wijsde(n) soe boet hi d(aer) onschout/
voe(r) Op welke aensprake en(de) antw(er)de de scepen(en) gemaent wijsde(n) den/
meye(r) tot sijnre waerheit de welke hi niet en dede in tijts alsoe hi/
hem v(er)mete(n) hadde [in tijts noch in uren] gelijc hi sculdich hadde geweest te doene nae sijnre/
vors(creven) aensprake(n) Alsoe dat de scepen(en) voert d(aer) op gemaent wijsde(n)/
voe(r) een vo(n)nisse nae aensprake nae antw(er)de en(de) [nae] al dats voe(r) hen come(n)/
was dat de vors(creven) jan quijte en(de) onghehoude(n) sijn soude vand(er) aensp(ra)ke(n)/
die de vors(creven) meye(r) te hem w(er)t gedaen hadde p(rese)ntib(us) py(n)noc borch(oven)/
rogghe borch(oven) haenwijc h(er)tshals maes aug(usti) xxii
ContributorsGreet Stevens
Moderated byGreet Stevens
Last update: 2017-03-14 by Xavier Delacourt