Van janne trybout janne meelbart/ en(de) willem va(n) leeuke
//
Van alsulk(er) schout van c rinschen guld(en) als jan meelbart va(n) arschot janne trybout sculdich es Soe es verd(ra)gen/ tusschen de(n) selve(n) ja(n)ne trybout in deen side en(de) willem va(n) leeuke die ov(er)mids vo(n)nisse va(n) scepen(en) br(ieve) va(n) loeven(e)/ beleydt es tot de(n) goede(n) des vors(creven) jan meelbarts in dande(r) side bi vriendelek(er) deedinge(n) wout(er) py(n)nox en(de)/ henr(ix) juede(n) co(m)moing(e)meest(ere)n va(n) loeven(e) en(de) ande(re)n goede(n) liede(n) d(aer) die d(aer) tusschen gesproke(n) en(de) gedeedingt/ hebbe(n) alsulke(n) voege en(de) yffeninge als h(ier) nae volght Te wete(n) inde(n) yerste(n) alse va(n) alsulke(n) wijng(ar)de/ alse de vors(creven) jan meelbart houde(n)de es gelege(n) op den cout(er)berch bi arschot die geslage(n) en(de) gheghist/ es op xx r(insche) guld(en) Soe es v(er)drage(n) tusschen de(n) vors(creven) p(ar)tien dat jan trybout vors(creven) dien wijngart hebbe(n)/ sal en(de) dat willem va(n) leeuke hem d(aer) in goede(n) sal met sine(n) beleyde va(n) sine(n) vors(creven) scepen(en) br(ieve) op alsoe dat/ de vors(creven) p(ar)tien jan trybout en(de) willem vors(creven) elc va(n) hen d(aer)toe neme(n) selen twee goede knape(n) die den/ selve(n) wijng(ar)t taxe(re)n en(de) p(ri)sen selen [op hoe(r) besch(eit)] wat hi weert es het sij xx r(insche) guld(en) ocht min ocht [meer] dat dat af/ slach doen sal ja(n)ne meelbart vand(er) vors(creven) so(m)men Ite(m) alse va(n) ene(n) stucke lants des dat de vors(creven)/ jan meelbart houde(n)de es gelege(n) bi arschot acht(er) jan theeus goede aen de love(n)sche strate Soe es/ ov(er)drage(n) dat men willem vors(creven) dat pe(n)new(er)de(n) en(de) v(er)cope(n) sal tussche(n) dit en(de) s(ent) remeys misse naest/ come(n)de en(de) d(aer) vande(n) gelde dat d(aer) af come(n) sal dat willem d(aer) af betale(n) sal den vors(creven) jan trybout xxv/ r(insche) guld(en) in mynd(er)nissen en(de) afslage vande(n) vors(creven) c r(insche) gulden(en) Voert es v(er)drage(n) tussche(n) de(n) selven/ p(ar)tien soe wes dan d(aer) ov(er)gebreken sal vand(er) so(m)men vande(n) vors(creven) c r(insche) gulden(en) dan jan trybout dat/ hebbe(n) en(de) heffen sal bi(n)nen vijf jae(re)n naest come(n)de elx jaers x gulden(en) aen huys en(de) hof des vors(creven)/ jan meelbarts gelege(n) [tarschot] op de boenwijc d(aer) de vors(creven) jan meelbartt nu in wone(n)de es en(de) aen de/ have die des vors(creven) jan meelbarts d(aer) toe dat de vors(creven) willem ja(n)ne trybout vors(creven) behelpe(n) sal met/sine(n) vors(creven) beleyde va(n) sine(n) vors(creven) scep(enen) br(ieve) allen arghelist h(ier)in uutgesch(eiden) en(de) gebrake d(aer) ov(er) yet dat/ dat jan trybout beta heffen sal aen huys en(de) have vors(creven) in vi[te] jaer d(aer) naest volg(ende) d(aer) toe dat/ de vors(creven) willem ja(n)ne trybout vors(creven) behelpe(n) sal met sine(n) vors(creven) beleyde va(n) sine(n) vors(creven) scepen(en) br(ieve) allen/ argelist h(ier)in uutgesch(eiden) welc v(er)drach de vors(creven) p(ar)tien bekendt en(de) verlijdt hebben dat dat geschiet/ es in alle d(er) maete(n) en(de) voege(n) dat vorscr(even) es en(de) geloeft hebbe(n) malc ande(re)n dat te houde(n) h(enricus) borch(oven) joh(ann)es/ rogge ja(nuarii) xxix a(n)no ix[o]