It(em) renerus beyset de ov(er)dyle in jegewordich(eit) heeft gegeve(n) en(de) bekent/ dat hi gegeve(n) heeft ja(n)ne van boemale den jonghe thuys de woeninge(n) met/ ene(n) vierdeel vand(er) scuere(n) aldair en(de) met de(n) hove en(de) met sine(n) toebehoerte(n) belege(n)/ in de hoelstrata en(de) met de(n) sin(en) wynnende lande belege(n) omtrent de galghe/ van lovene Te hou alsoe v(er)re als de ploech gaen mach Te houde(n) te hebbene/ en(de) te wynnende van sente jans misse [bap(tis)te(n)] naest comende tot ene(n) t(er)mine van ses/ ja(r)en lanc deen (et)c(etera) dats te wete(n) de vors(creven) wynnende lande op de helicht vande(n)/ core(n) en(de) vruchte dat daer jaerlex op wassen sal Ende toexst als dat core(n) inde(n)/ kant is soe sal de vors(creven) jan des vors(creven) reyners helicht inde vors(creven) scuer vuere(n)/ eer hi tsine vuere(n) sal moege(n) ende daer vors(creven) voe(r) sal de vors(creven) jan caf en(de) stroe/ van des vors(creven) bysets helicht behoude(n) Oec sal de vors(creven) wynne de vors(creven) lande talle/ brake(n) binne(n) den vors(creven) t(er)mine wael en(de) loflic ov(er)meste(n) En(de) daer toe sal hem de vors(creven)/ reyn(er) alle ja(r)e hie(re)n binne(n) te hulpe(n) cope(n) en(de) gheve(n) acht botvoed(er) mests de welc/ de vors(creven) jan hale(n) sal daerse hem de selve reyner cope(n) sal en(de) dat op tvors(creven)/ lant vuere(n) Ite(m) sal de vors(creven) reyner den vors(creven) ja(n)ne alle ja(r)e [hie(re)n bynne(n)] te sine(n) sade/ te hulpe(n) gheve(n) een mudde rox goit en(de) payabel d(er) mate(n) [van lov(en) des gelijx oeg alle(n) ja(r)e] en(de) acht elle(n)/ vysteyns? En(de) de vors(creven) janne sal jaerlex den vors(creven) t(er)mine dueren(de) inde brake/ aldaer [moege(n) besayen] een dachmale lants met crucke(n) of erwite(n) dwelc de selve jan alleen/ te sine(n) p(ro)fite behoude(n) sal Voert sal de selve wynne jaerlex den t(er)mine/ dueren(de) een half dachmale lants vand(er) storte(n) aldaer besaye(n) met erwite(n)/ de de vors(creven) reyner en(de) jan half en(de) half deylen en(de) hebben selen Ite(m) sal de/ wynne jaerlex den selve(n) t(er)mine dueren(de) in de vors(creven) woninge aldaer leve(re)n/ xx mandele(n) walme(re)n goit en(de) custbair en(de) als men aen die huysinge al vors(creven)/ sal doen decken of plecken den vors(creven) t(er)mine dueren(de) dan sal de vors(creven) wynne/ den wercliede de(n) cost gheve(n) en(de) reyner dachue(re) Item sal de vors(creven) wynne/ de selve(n) reyne(r) jaerlex hale(n) ii[c] ii[m] staken op hev(er)le bosch of daer omtrent/dat op dat niet vorde(r) en is en(de) die brengen op des selfs reyners wijngart/ op de vildriesch belege(n) bute(n) der borchporte(n) welc stake(n) de selve reyn(er) betale(n)/ sal En(de) de vors(creven) wynne sal de vors(creven) lande wynne(n) en(de) w(er)ve(n) wel en(de) loflec/ gelijc sine(n) reengenote(n) Ende die late(n) ten eynde vande(n) vors(creven) t(er)mine gelijc hise/ vijnt tot sine(n) income(n) dats te wete(n) tstuck lants belege(n) ond(er) [de] tijchelrye en(de) drie/ dachmale lants gehete(n) crayenborch met rogge besayt op iiii tydege(n) vore(n)/ en(de) den zom(er)art belege(n) omtrent de galge met zom(er)core(n) besayt dats te wete(n)/ half met evene(n) op ii tydege(n) vore(n) en(de) half met gerste(n) op iii tydege(n) vore(n)/ en(de) den art ond(er) den ouden galghe berch te brake(n) eens omgaen Ite(m) sal Ite(m)/ sal de vors(creven) wynne den hof inde hoelstrate ten eynde vande(n) vors(creven) t(er)mine/ besayt late(n) met grt gerste(n) op iii vore(n) Oec sal de vors(creven) wynne den vors(creven)/ reyne(r) jaerlex hale(n) sine(n) de v druve(n) van sine(n) wijngart belege(n) op vildriesch/ en(de) de inde persse vuere(n) [bringen inde woninge des vors(creven) reyners te lov(en)] En(de) allet stroe dat int vande(n) vors(creven) lande int/ dleste ja(r)e come(n) sal daer dat sal de vors(creven) wynne met sine(n) beeste(n) inde vors(creven)/ woninge ette(n) en(de) mest daer af make(n) en(de) dat inde messie aldaer [van] late(n) sond(er)/ yegerinx dat te vuere(n) En(de) hebb(en) geloeft beide de vors(creven) p(ar)tien rike abs(oloens) xviii febr(uarii)