Cont si allen liede(n) dat jan van coudenberch en(de) joffrou katline keljots sijn wijf in jegenwordich(eit)/ der scepen(en) van lovene gestaen hebben gegeve(n) ende bekent dat si gegheve(n) hebben janne pyron/ de goede des vors(creven) jans van coudenberch (et) joffrouwe(n) katline(n) sijns wijfs belege(n) te cresain bi/ den rous miroir met den huysen hove(n) wynnende lande [beemde(n) eeusele(n) bosschen] daer toehoe(re)nde Te houden te hebben/ ende te wynnene van half merte naest voerledene tot ene(n) t(er)mijn van ses ja(r)en lanc deen/ nae dand(er) staphans volghende elx jairs den hier en binne(n) om twintich crone(n) vrancrijx/ van goude goit ende gheve op den iersten dach der maent van meye te betale(n) ende/ ind(er) stat wissel te loven te leve(re)n alle ja(r)e den vors(creven) t(er)mine duerende en(de) telke(n) t(er)mijn als/ v(er)volghde scout in vuege(n) dat dyerste betalinge(n) van desen gelde ingaen ende beginne(n)/ sal van op den iersten dach van mey naest comende binne(n) ene(n) ja(r)e daer nae volghende/m(er) al eest dat met alsulker vorwarde(n) dat de voerg(enoemde) wynne binne(n) den vors(creven)/ t(er)mine ses paymente gheve(n) ende betale(n) sal Ende allet stroe dat vanden voers(creven)/ goeden hie(re)n binne(n) come(n) sal daer af dat sal de vors(creven) wynne int vors(creven) hof brenge(n)/ ende dair in dat met sine(n) beesten etten en(de) verteere(n) ende mest daer af maken en(de)/ dat mest wed(er) opt vors(creven) lant vuere(n) slands mee en(de) nergens elde(r) slands meest p(ro)fite/ Oec sal de vors(creven) wynne die willighen ende truncboeme te behoerleken en(de) gewoenleke(n)/ tiden moege(n) truncken en(de) houwen om die goede daer mede te bevrede(n) en(de) anders/ niet Ende soe wae(r) op de vors(creven) goede enige(n) boeme verdroeghde of van ond(er) uutviele/ die sal de vors(creven) wynne hebben ende daer voe(r) sal wi weder twee pote(n) vande(n) selven/ arde setten ende plante(n) Ite(m) sal de vors(creven) wynne int vors(creven) hof jaerlex leve(re)n iii[c]/ walme(re)n goit en(de) custbair om de vors(creven) huysinge daer mede te verdecken en(de) als men/ die aldaer verdecken sal soe sal de vors(creven) wynne den werclieden den cost gheve(n) en(de)/ jan en(de) sijn wijf die dachue(re) en(de) oic sal de vors(creven) jan en(de) sijn wijf daer toeleve(re)n yser/ en(de) latte(n) Oec sal de vors(creven) wynne den vors(creven) t(er)mine duerende jaerlex gelde(n) en(de) betale(n)/ alle den co(m)mer ende chijns uut den vors(creven) goede(n) gaende op afslach vande(n) vors(creven) pachte [gelde]/ alsoe dat den vors(creven) ja(n)ne sine(n) wijve noch hoe(re)n goeden daer af gheen scade en come/ ende soe wae(r) daer cost of scade opginge bi gebreke des [van des] vors(creven) wynne(n) betalen dat/ soude sijn op cost en(de) scade des selfs wynne(n) Ite(m) es te weten dat int leste ja(r)e te/ half als de vors(creven) t(er)mijn uutgaende es de vors(creven) wynne allet stroe dat dan ongheet/ en(de) onv(er)teert sijn sal en(de) tghemaecte mest inde vors(creven) goede blive(n) [late(n)] sal tot des goets/ p(ro)fijt Ende vors(creven) wynne [sal] de bossche hie(re)n binne(n) eens houwe(n) moege(n) ten leste(n) ja(r)e van/ sine(n) t(er)mine uutgenome(n) tcleyn bosschelke(n) dat hi dat houwe(n) sal soe wa(n)neer sijn reengenote(n)/ en(de) gebuere(n) aldair houwe(n) selen en(de) soe wa(n)neer die bossche gehouwe() selen sijn soe/ en mach die wynne daer en gheen beeste(n) op laten gaen ende soe wa(n)neer die vors(creven)/ wynne de bossche gehouwe(n) sal hebben soe sal hi daer toe dach hebben die te ruyme(n)/ tot sente jans misse toe daer nae volghende Item es vorwarde dat de vors(creven) wynne/ de vors(creven) lande wynne(n) en(de) besayt sal late(n) gelijc hise vijnt tot sine(n) income(n) ter taxacie(n)/ en(de) prise vande(n) gebuere(n) en(de) reengenote(n) aldaer omtrent gesete(n)
//
Voert selen de vors(creven) jan en(de) joffrou katlijn sijn wijf den vors(creven) hoe(re)n wynne alle/ twee ja(r)e binne(n) den vors(creven) t(er)mine ene(n) rock gheve(n) alsulc als goede liede hoe(re)n/ wynne(n) gewoenlec sijn te gheve(n) Ende gevielt alsoe dat de vors(creven) wynne binne(n)/ den vors(creven) t(er)mine enighe scade van tempeeste of gemeyne(n) orloghe hadde of/lede name dat de vors(creven) jan en(de) joffrou katline sijn wijf hem daer af versien/ en(de) rastoe(r) doen selen gelijc ande(re) he(re)n en(de) p(re)late(n) hoe(re)n pachteneers aldaer bove(n)/ en(de) benede(n) doen selen En(de) de vors(creven) wynne sal de vors(creven) lande wynne(n) ende/

werve(n) wel en(de) loflec gelijc sine(n) reengenote(n) bove(n) ende benede(n)[ met meswynne noch mesarde(n) mer die wynne(n) en(de) houden te drien arden en(de) te behoerleken paysane? ] En(de) alle/

dese vorwarde(n) geloefte(n) ende condicien bove(n) bescreve(n) Ende de vors(creven) wynne/ sal die lande ten uutgaen vande(n) vors(creven) t(er)mine laten besayt wel en(de) loflec/ met wyntercore(n) gelijc hise vant tot sine(n) income(n) Ende alle dese vorw(arden) geloefte(n) en(de) condicie(n) voerscr(even) hebben geloeft de vors(creven) jan en(de) joffrou katl(ine)/ op deen side en(de) de wynne op dand(er) side deen den ande(re)n tallen tide(n) als hi/ valle(n) en(de) v(er)scine(n) selen vast en(de) gestede te houde(n) en(de) te voldoen [en(de) telk(en) tijn als] als v(er)volghd(e)/ scout hem en(de) sijn goede daer voe(r) verbijndende en(de) v(er)oblige(re)nde (et)c(etera)/ rike pynnoc ap(ri)l(is) xxvi