It(em) henr(ick) vand(er) lane(n) sone gheerts vand(er) lane(n) in jegewordicheide(n) der scepen(en) van/ lovene gestaen heeft genome(n) ende bekent dat hi genome(n) heeft van lodewijke den sw(er)tvege(re)/ thof des selfs lodewijx belege(n) in de p(ro)chie van comptich met den huysen hove(n) bogarde/ wynnende lande beemde(n) eeusele(n) daer toe hoe(re)nde uutgesceide(n) behoi ii came(re)n met de(n) kelde(r) daer/ onder staende met de(n) sulde(r) daer bove(n) liggende met de(n) bachuyse dat daer cortelinge gety(m)m(er)t/ is en(de) medde(n) dofhuyse dwelc de vors(creven) lodewijc tot sine(n) p(ro)fijt behoude(n) sal Te houden/ te hebben ende te wynne(n) van half merte naest voerleden tot ene(n) t(er)mine van ses ja(re)n/ lanc deen nae dander staphans volghende dats te weten tvors(creven) hof metd(er) weyden/ vande(n) boegarde en(de) met de(n) beemde(n) ende eeusele(n) daer toehoe(re)nde elx jaers den t(er)mine/ vors(creven) duerende om ses mudde haert corens goit en(de) payabel alsulx als de vors(creven) wynne/ opt des vors(creven) lodewijx goede jaerlex wynne(n) sal der maten van thiene(n) dats te weten ses/ halst(er) derselv(er) maten voir een mudde gerekent Ende voert aen elc boend(er) vanden/ vors(creven) wynnende lande als v(er)re alst mett(en) mate(n) meten sal op thien halst(er) haert corens/als alsulx gelijc vors(creven) is en(de) der maten vors(creven) te sente andries misse apostels te betale(n)/ ende te loven te leve(re)n alle ja(r)e den vors(creven) t(er)mine duerende en(de) telken t(er)mine als v(er)volghe/ schout Ende vors(creven) wynne sal [alle] ja(r)e hie(re)n binne(n) drie boend(er) vanden vors(creven) wynnende/ lande wel en(de) custbairlic ov(er)mesten [ten meeste(n) p(ro)fite] Item sal de selve wynne alle ja(r)e den vors(creven)/ t(er)mijn duerende int vors(creven) hof leve(re)n driehondert walms goit ende custbair om die/ huysinge daer mede te decken ende soe wa(n)neer men aldair decken off plecken sal daer/ af [sal] de vors(creven) lodewijc [wynne] den werclieden den cost geve(n) ende lodewijc de dachue(re) Oec/ es vors(creven) vorwarde dat de vors(creven) wynne binne(n) sine(n) vors(creven) t(er)mine(n) geen mest stroe noch/ walme(re)n uut den vors(creven) hove vercopen en sal moege(n) noch en sal oec de vors(creven) wynne/ ten lesten ja(r)e gheen stroe noch mest uut den vors(creven) hove moege(n) vuere(n) mer dat daer/ int selve hof etten met sine(n) beesten tot half m(er)te toe gelijc men gewoenlic is te doen/ Item sal de vors(creven) wynne den vors(creven) lodewike jaerlex hie(re)n binne(n) gheve(n) een halst(er) erwite(n)/ ende een halst(er) raepsaets goit en(de) payabel der maten vors(creven) te sente andries misse apostels/ te betalen en(de) te loven te leve(re)n alle ja(r)e alsoe lange als de vors(creven) t(er)mijn duere(n) sal en(de)/ telken t(er)mine als v(er)volghde schout Voert sal de vors(creven) wynne den vors(creven) lodewike sijn/ b(er)ringe die hi behoeve(n) sal en(de) daer hi se cope(n) sal int vors(creven) hof brenge(n) ende halen en(de)/ des gelijx den selve(n) lodewike sijn staken in sine(n) wijngart vuere(n) Ende de vors(creven) wynne/ sal de vors(creven) lodewike alle ja(r)e hie(re)n binne(n) een coe en(de) twee verken(en) wynte(re)n en(de) zome(re)n/ gelijc den sine(n) die hem de selve lodewijc leve(re)n sal Ende alle doeft dat tot vors(creven) hof/ wassen sal dat selen de vors(creven) wynne ende lodewijc en(de) de wynne half en(de) half deylen/ ende hebben en(de) de vors(creven) wynne sal den vors(creven) lodewike sijn helft beyde ter erden en(de)/ te loven leve(re)n en(de) brenge(n) Ende vors(creven) wynne sal opt leste ja(r)e alle de wande en(de)
//
muere(n) vande(n) vors(creven) hove vand(er) nederst(en) rykelen nederwart alsoe v(er)re alst/ sijn beesten ontwee slaen en(de) breken selen wed(er) doen maken Oec en sal de vors(creven)/ wynne int leste ja(r)e vanden vors(creven) t(er)mine gheen lant moeghen hoervruchten/ Ende gesciede int vors(creven) hof binne(n) den vors(creven) t(er)mine enige scade van viere die/ toe quame bi ocsuyne des vors(creven) wynne(n) dat soude die selve wynne moete(n) oprichte(n)/ en(de) wed(er) doen maken op sinen cost Ende [de] vors(creven) wynne sal de vors(creven) lande/ sine(n) vors(creven) t(er)mine duerende wynne(n) en(de) werve(n) gel wel en(de) loflec met sine(n)/ tydeghen vore(n) gelijc reengenote(n) en(de) die late(n) ten eynde uutgane vande(n) selve(n)/ t(er)mine gelijc dat hise vant tot sine(n) income(n) dats te wete(n) seve(n) boend(er) daer/ af opt grijpvelt en(de) opt sijpvelt [en(de) opt eycvelt] belege(n) besayt met wynt(er)core(n) op vier tydeghe/ voren gelijc die art aldair gelege(n) is Ite(m) i(½) boend(er) met raepsaede besayt en(de)/ bove(n) gemest en(de) derdalf dachmael lants [gegrave(n)] met wouden besayt en(de) de brake/ en(de) de stort eens o(m)me gedaen Ende alle dese vorwarden geloefte(n) en(de) condicie(n)/ vors(creven) heeft geloeft de vors(creven) wynne te houde(n) ende te voldoen tallen tide(n) als/ si vallen en(de) verschyne(n) selen en(de) telke(n) t(er)mine als v(er)volghde schout En(de)/ des borghe des vors(creven) henr(ick) vand(er) lane(n) al ongesund(e)t en(de) ongesceide(n) als p(ri)ncipale/ sculder de vors(creven) gheert vand(er) lane(n) sijn vader que(m) indempnab(it) de p(re)miss(is)/ pynnoc herthals septembr(is) x