Cont sij alle(n) liede(n) dat jan van sweysvelt van oppeem heeft genome(n) (et)c(etera)/ van woute(re)n van netheme(n) die me(n) heit vande(n) royele de lande des vors(creven)/ wout(er)s houdende omtrent viii boende(r) en(de) i(½) dachmale belege(n) in de p(ro)chie van/ lynde(n) en(de) van pellenbe(r)ch in alrehande stucke(n) aldaer Te houden(e) te hebben(e) en(de) te/ wynnene tot ene(n) t(er)mine van xii ja(r)en lanc deen (et)c(etera) dats te weten(e) de alle vors(creven)/ lande [elx jaers hie(re)n binne(n)] op xi(½) mudde rogs goit en(de) payabel alsulx als opt vors(creven) lant jaerlex/ wassen sal d(er) mate(n) van lovene tsente andries misse apostels (et)c(etera) te betale(n) en(de) e te/ loeven(e) te leve(re)n alle ja(r)e (et)c(etera) en(de) elke(n) t(er)mine als v(er)volghde schout (et)c(etera) En(de) es te weten(en) dat/ de vors(creven) jan nu tot sente andries misse naest comen(de) niet meer dan iiii(½) mudde rogs/ gheve(n) en(de) betale(n) en sal Oic en(de) dat de betaelt soe sal de vors(creven) jan dan voertae(n) binne(n)/ den vors(creven) twelf ja(r)en twe[l]f twelf geheel pacht gheve(n) en(de) betale(n) vande(n) lande vors(creven)/ Voert es vorw(er)de dat de vors(creven) jan op tve de vors(creven) lande binne(n) dese(n) vors(creven) t(er)mine/ de drie[vier] w(er)ve(n) wel en(de) hoflec ov(er)meste(n) sal Ende die late(n) gelijc hier nae volght/ dats te wete(n) vijf dachmale lants belege(n) op houd(er)svelt besayt met rogge op vier/ voe(re)n en(de) oic soe sal hij op dat selve lat(en) late(n) ten leste(n) ja(r)e vi botvoede(r) mests en(de) seve(n)/ dachmale lants belege(n) op tgroet boende(r) brake op i voe(r) en(de) dan so en(de) vi botvoede(r)/ mests daer op bove(n) tvors(creven) [over] meste(n) en(de) alle dande(r) lant geheel borch(oven) rogge iiii[a] oct [ no(vem)br(is)]