Cont si allen liede(n) dat everart van grymde in jegenwordicheide(n)/ der scepen(en) van loven gestaen heeft gegeve(n) ende bekent dat hi gegeve(n)/ heeft ja(n)ne ve(re)n ny ve(re)nyden van ov(er)loe de goede des vors(creven) everarts/ mette(n) huysen hove(n) en(de) met xvii boende(r) en(de) iii dachmael wynnents/ lants en(de) met de(n) beemde en(de) eeusele(n) daer toe hoe(re)nde Te houde(n) te/ hebben en(de) te wynnen van nu sente jans misse baptiste(n) naist comende/ tot ene(n) t(er)mine van vi ja(r)en lanc deen nae dande(r) staphans volghende/ dats te weten de vors(creven) wynnende lande elx jaers hier en bynnen/ op xxvii mudde rox en(de) een mudde taruwe(n) beyde goit en(de) payabel/ met wanne en(de) met vedere(n) wael bereit der maten van loven te sente/ andries misse apostels te betale(n) ende te loven te leve(re)n alle ja(r)e den vors(creven)/ t(er)mine duerende en(de) telken t(er)mine als v(er)volghde schout Voert sal de/ vors(creven) wynne vande(n) beemde tot de(n) vorscr(even) goeden hoe(re)nde en(de) vander weyde(n)/ vande(n) boegarde aldaer alle ja(r)e den vors(creven) t(er)mine duerende gheve(n) den/ vorscr(even) everarde seve(n) gulden(en) hollansche van goude goit en(de) gheve/ te sente m(er)tens misse inden wynt(er) te betale(n) alle ja(r)e den voerg(eruerde) t(er)mine/ duerende en(de) telken t(er)mine als v(er)volghde schout Ende alle doeft dat/ inde(n) boegart aldaer hie(re)n bynne(n) wassen sal dat selen de vors(creven) everart/ ende de wynne gelijc half ende half deylen en(de) hebben en(de) op hoe(r) beyder/ cost ter erde(n) leve(re)n mer de wynne sal jaerlex de vors(creven) everarde sijn/ helicht te loeve(n) leve(re)n Oec sal de vors(creven) wynne jaerlex int vors(creven) hof/ leve(re)n twintich mandele(n) walme(re)n [goit en(de) custbair] om die huysinge daer mede te decke(n)/ En(de) soe wa(n)neer men die verdecke(n) of verplecke(n) sal daer af sal de vors(creven)/ wynne den wercliede(n) den cost gheve(n) en(de) reyner [everart] de dachue(re)n Oec es
//
vorwarde dat de vorscr(even) wynne den beemt vorscr(even) alle ja(r)e hie(re)n bynne(n) eens/ ryolen sal oec sal die selve wynne den vors(creven) everarde jaerlex den vorscr(even)/ t(er)mine duerende drie daghe met sine(n) waghen en(de) p(er)den diene(n) en(de) corweyde(n)/ Ende alle tstroe en(de) hoye dat dan vande(n) vorscr(even) goede(n) jaerlex come(n) sal dat/ sal die vors(creven) wynne int vors(creven) hof b(re)ngen en(de) met sine(n) beeste(n) dat daer in/ etten en(de) v(er)teeren en(de) mest daer af make(n) en(de) dat wed(er) vuere(n) op tvors(creven) landt vuer(en)/ slands meeste p(ro)fijt En(de) es vors(creven) vorwarde dat de vors(creven) wynne sijn beeste(n)/ niet lange(r)[noch vorde(r)] buyten den vors(creven) goede(n) houde(n) en sal moege(n) dan alsoe lange al en(de)/ alsoe v(er)re als hi daer mede v(er)teert sal [hebbe(n)] tstroe dat hi buyte(n) den tstroe dat come(n)/ sal vande(n) lande dat de vors(creven) wynne buyte(n) den vors(creven) goede(n) wynne(n) en(de) pachte(n)/ sal sond(er) enich stroe of vuesteringe tot sine(n) beeste(n) buyte(n) den vors(creven) goede(n) staende/ te coepen Voert sal de vors(creven) wynne den vors(creven) everarde jaerlex een molevaet/ lijnsaets sayen daer evera en(de) tvlas en(de) alle tp(ro)fijt daer af comende sal die vors(creven)/ everarts alleen hebbe(n) meer everart sal jaerlex den saet daer toe leve(re)n/ welc vlas de vors(creven) wynne den vors(creven) everarde jaerlex te love(n) brenge(n) sal/ En(de) soe wae(r) de vors(creven) everart enich houte aldaer dede make(n) dat sal hem die/ vors(creven) wynne te loven leve(re)n En(de) de vors(creven) wynne sal den vors(creven) beemt op dleste ja(er)/ ongheheyt en(de) ongeli en(de) ongheet laten mer met de(n) garse late(n) staen En(de)/ alle dese goede sal de vors(creven) wynne jaerlex den vors(creven) t(er)mine duerende/ wynne(n) werve(n) en(de) bevrede(n) wel en(de) loflec gelijc sine(n) reengenoete(n) en(de)/ die bevreet en(de) gewonne(n) late(n) gelijc hi se vijnt tot sine(n) income(n) dats te/ wete(n) den vier boende(r) en(de) iii(½) dachmael lants met rogge besayt op vier vore(n)/ vijf dachmael met gherste(n) besayt op iii tydeghe voren d en(de) dande(r) lant/ vande(n) zomer arde met evene(n) bes besayt op twee tideghe vore(n) met evene(n)/ uut genome(n) drie dachmale lants vande(n) zom(er)rade op een vore [besayt] te wete(n) [es] met/ vier molevate(n) erwete(n) en(de) twee molevate crucke(n) Hier af sijn borghen des/ vors(creven) jans ve(re)n yden als p(ri)ncipale sculde(re)n henric ve(re)nyden sijn broed(er) jan ve(re)nyden/ sone laurens? wile(n) ve(re)n yden lesen vande(n) dale en(de) gielijs vande(n) bossche va(n) pellenb(er)ge/ quos indemp(abunt) h(enric) borch(oven) jo(hannes) borch(oven)? xxvii junii