SAL7711, Act: V°117.3,R°118.2 (31 of 138)
Search Act
previous | next
Act V°117.3,R°118.2  
Act
Date: 1407-05-24

Transcription

2020-09-21 by Marijke Gevaert
It(em) want stote tebat ende deedinghe geweest heeft ende es tusschen wout(er)en/
van scibbeke in deen side ende lijsbette(n) van scibbeke werdinne wilen gheert/
vand(er) beke [en(de) lijsbette(n) hoe(r) docht(er) voe(r) uut hue(rer) moed(er) broede gedaen] in dand(er) side alse van huwelek(er) vorwarde(n) geloeft den vors(creven) wilen/
gheerde mett(er) vors(creven) lijsbetten vande(n) willeme w wilen van scibbeke vad(er) der/
vors(creven) lijsbetten ende oec van ene(n) halve(n) boende(r) lants dat s v(er)creghen was/
jegen pete(re)n hesselen belege(n) bove(n) broecheem ende oec van seke(re)n scepen(en)/
brieve(n) den van loeve(n) den vors(creven) woute(re)n van scibbeke bekent vande(n) vors(creven)/
wilen willeme van scibbeke sine(n) brueder van eenre(n) so(m)men mids den/
welken de vors(creven) wout(er) van scibbeke beleydt es tot den goeden des selfs wilen/
willems den vors(creven) wilen gheerde in huwelek(er) vorwarden geloeft/
Soe sijn de vors(creven) p(ar)tien come(n) voe(r) scepen(en) van loeve(n) en(de) sijn hier af bleve(n)/
de en(de) van allen ande(re)n stote ende tebat die sij te gade(r) gaens mochte(n) hebb(en)/
gehadt tot opden dach van heden van wat saken dat dat wae(r) in segge(re)n/
en vriendelec iffene(re)n dats te weten(e) de vors(creven) wout(er) in he(re)n ja(n)ne van/
raetshove(n) priest(er) ende ja(n)ne van ov(er)winge ende de vors(creven) lijsbet in gielise/
den riken en(de) in gielise vand(er) balct van wolm(er)seem in deser voeghen d(ie)?/
de vors(creven) wout(er) sine(n) eyssche van alle scoude en(de) saken en(de) goeden die hi eyss(ende)/
es ov(er)geve(n) sal sine(n) segge(re)n in gescrifte van en sondaghe naest comen(de) in/
viii daghen alsoe dat de vors(creven) lijsbet hoe(r) v(er)antwerde(n) daer op en(de) oec/
hoe(re)n eyssche die sij ten vors(creven) woute(re)n w(er)t te eysschen heeft maken sal en(de)/
die ov(er)geve(n) hoe(re)n segge(re)n binne(n) viii daghen daer naest volghende als/
en(de) elc vanden vors(creven)
alsoe dat de vors(creven) iiii segge(re)n aengehoert hoe(r) beyd(er)/
besceyt hoe(r) segghen tusschen de vors(creven) p(ar)tien uten en(de) p(ro)nu(n)tie(re)n selen/
tusschen dit en(de) sente jans dach baptisten naest comende en(de) de vors(creven)/
lj lijsbet en(de) jan vand(er) ov(er)beke hoe(r) swag(er) hebben geloeft lijsbette(n) vand(er) beke/
docht(er) d(er) vors(creven) lijsbette(n) hier in te v(er)vaene en(de) alsulke te hebben dat sij tvors(creven)/
seggen houden sal vast en(de) gestede in deser voeghen dat elc vande(n) vors(creven)/
p(ar)tien sijn brieve beyde scepen(en) brieve van loeve en(de) oec alle ande(re) brieve/
van huwelek(er) vorwarden van monicie(n) van citacie(n) en(de) van allen ande(re)n br(ieve)/
geestlec en(de) wereltlec die sij spreken(de) hebben op de vors(creven) goede [ocht op enige van h(en)] brenge(n)
//
selen voe(r) de vors(creven) segg(er)s ten tide als de vors(creven) segg(er)s hoe(r) seggen segge(n)/
selen ocht daer te voe(re)n alst hen genuege(n) sal om die te overhoe(re)n en(de) te/
a(n)nihile(re)n nae goetduncken der segg(er)s vors(creven) en(de) hebben geloeft beyde de vors(creven)/
p(ar)tien vast en(de) gestede te houden(e) ende te voldoen soe wat de vors(creven) iiii segg(er)s/
hier af eendrechtichlec seggen en(de) t(er)mine(re)n selen op de sake verloe(re)n Oec/
es vorwarde dat de vors(creven) iiii segge(re)n aenhoe(re)n selen die ghene alsoe v(er)re/
als men die gecryghen can die voertijts tusschen de vors(creven) p(ar)tie(n) hier af/
een seggen geseeght hebben Ende soe wae(r) enich segge(r) van enig(er) p(ar)tie(n)/
gebrake soe mach die p(ar)tie ene(n) ande(re)n in die stat wed(er) kyesen sond(er)/
argelist Cor(am) rogge grute(re) eode(m)
ContributorsLieve Van Hoestenberghe
Moderated byLieve Van Hoestenberghe
Last update: 2017-03-22 by Xavier Delacourt