SAL7711, Act: V°154.4 (47 of 138)
Search Act
previous | next
Act V°154.4  
Act
Date: 1408-08-09

Transcription

2020-10-14 by Marijke Gevaert
It(em) want stoet en(de) tebat opgestaen is en(de) was tusschen ja(n)ne ende/
henrike wijnrix gebruede(re)n in deen side en(de) gielijs vand(er) heyde(n) in deen side/
en(de) ja(n)ne van scaffene in dand(ere) van alsulke(n) chijnse als de sartroyse van/
zeleem houden(de) sijn op ii boend(er) beemts belege(n) gehete(n) de hovebeemde belege(n)/
te ro(m)melede van welken chijns de vors(creven) gebrued(er) en(de) gielijs meyne(n) dat hen/
de selve jan van scaffene dair af ontheffen soude soe sijn de p(ar)tyen des come(n)/
voir scepen(en) van lovene(n) en(de) hebben hen verbonde(n) en(de) sijn van desen stote bleve(n)/
in segge(re)n en(de) vriendelec iffene(re)n dats te wete(n) de vors(creven) jan en(de) henr(ic)/
wijnrix gebrued(er)s en(de) gielijs in woute(re)n den rademake(re) en(de) ja(n)ne van/
boesschot [boeslynte(r)] taelma(n) en(de) de vors(creven) jan van scaffene in henrike vand(er) hofstat/
en(de) ja(n)ne vande(n) meersb(er)ghe voerspreke gelovende beyde de vors(creven) p(ar)tyen/
vast en(de) gestede te houden soe wes de vors(creven) segge(re)n dair uut segge(n) ende/
p en(de) t(er)minere(n) selen in deser voege(n) soe wae(r) enich segg(er) ocht meer gebrake/
dat de p(ar)tye ene(n) ande(re)n in die stat kyesen sal sond(er) argelist Ende is/
vorwarde soe wae(r) de vors(creven) segge(re)n
[Ende soe wae(r) si] hoers seggers vande(n) vors(creven) stote niet/
eens gewerde(n) en consten dat si dan beyde eysch ende v(er)antworde(n) en(de) alles/
dat van desen stote voir hen come(n) sal sijn [binne(n) viii daghen dairnae] brenge(n) selen voir scepen(en) van lovene/
en(de) dair af hale(n) een hoetvo(n)nisse gelijc of si des nae vorme(n) van rechte/
gedingt hadde(n) sond(er) argelist porta rike aug(usti) ix[a]
ContributorsLieve Van Hoestenberghe
Moderated byLieve Van Hoestenberghe
Last update: 2017-03-28 by Xavier Delacourt