SAL7711, Act: V°241.1 (76 of 138)
Search Act
previous | next
Act V°241.1  
Act
Date: 1409-03-28

Transcription

2020-12-20 by Marijke Gevaert
It(em) loye vand(er) balct van q[ua]deribbe veltheem in jegewordich(eit) d(er) scepen(en)/
van lovene gestaen heeft genome(n) ende bekent dat hi genome(n) heeft van/
vrouwe magriete(n) weduwe he(re)n everarts wilen boete ridde(r) hoe(r) hof/
gehete(n) thof ter espt be mette(n) huysen hove(n) wynnende lande beemde(n)/
eeusele(n) met alle(n) sine(n) toebehoerte(n) belege(n) inde p(ro)chie van quaderibbe/
[en(de) van erpse] gelijc ende alsoe v(er)re als symoen wilen dullebout chers(er)? hof gehoude(n) heeft/
Te houden te hebben ende te wynne(n) van half m(er)te naest voerlede(n)/
tot ene(n) t(er)mine van ix ja(r)en lanc deen nae dand(er) staphans volghende/
dats te weten de wynnende lande elx jaers hie(re)n binne(n) op xxiiii sacke/
rox goit en(de) payabel met wa(n)ne ende met vede(re)n wail bereit der mate(n)/
van bruessel te sente andries misse apostels vallende en(de) te kerssavo(n)t/
daer nae volghende sond(er) begrijp te betallen en(de) te bruessel te leve(re)n alle/
ja(r)e den vors(creven) t(er)mine duerende en(de) telken t(er)mine als v(er)volghde scout Voert/
sal de vors(creven) loye de beemde ende eeusele aldair jaerlex hie(re)n binne(n) hebben/
om veerthien gulden(en) hollansche van goude goit en(de) gheve te sente/
m(er)tens misse inden wynt(er) te betalen elx jaers alsoe lange als dese tijt duere(n)/
sal en(de) telken t(er)mine als v(er)volghde scout Ende is vorwarde dat de vors(creven)/
loye oic gelden en(de) betalen sal den vors(creven) t(er)mine dueren(de) jaerlex den co(m)mer/
en(de) chijs uut den vors(creven) goeden gaende Ende allet stroe dat vande(n) vors(creven)/
lande come(n) sal dat dat [sal] de vors(creven) loye int vors(creven) hof brenge(n) en(de) dat met/
sine(n) beesten aldair etten en(de) mest daer af maken en(de) dat mest wed(er)/
opt vors(creven) lant vuere(n) slands meest p(ro)fite [uutgenome(n) op dleste ja(r)e soe en sal de vors(creven) wynne gheen mest vuere(n)] Oec sal de vors(creven) wynne die/
huysinge aldair hie(re)n binne(n) van wande ende van dake [uuthouden] in goede(n) state Ite(m)/
sal de vors(creven) wynne op de vors(creven) goede jaerlex hie(re)n binne(n) sette(n) vijftich/
poete(n) Ende de vors(creven) wynne sal de vors(creven) lande hie(re)n wynne(n) en(de) werve(n)/
wel en(de) loflec gelijc sine(n) reengenote(n) bove(n) ende benede(n) en(de) die late(n) gelijc/
hier nae volght dats te weten g [ten eynde vande vors(creven) t(er)mine] ten eynde van sine(n) vors(creven) t(er)mine gelijc/
hise vijnt tot sine(n) income(n) dats te wete(n) den wynt(er) art met rogge besayt/
op vier tydeghe voren den somer art eens gestort en(de) de brake geheel/
Ende des sijn borghen de vors(creven) wynne sal der vors(creven) vrouwe(n) magriete(n)/
jaerlex den vors(creven) t(er)mine duerende half doeft dat daer wassen sal/
te love(n) [bruessel] leve(re)n Ende des sijn des vors(creven) loys als p(ri)ncipale sculde(re)n ongesundert/
en(de) ongesceide(n) en(de) elc voir al jan de keyser van erpse joes van balct/
de nederhookensele jan de ridde(r) van q[ua]deribbe en(de) wout(er) de keyser van/
quaderibbe quos d(ic)tus eligius exinde p(ro)misit indempnes cons(er)va(r)e et(c)etera/
porta pynnoc m(ar)tii xxviii
ContributorsMi-Je Van Gils
Moderated byMi-Je Van Gils
Last update: 2017-03-28 by Xavier Delacourt