It(em) want stote en(de) tebat opv(er)staen es tusschen ja(n)ne van udikeem die/ men heet van scaffene in deen side en(de) janne en(de) henrike wynrix ge/ bruede(re)n en(de) gielijs vand(er) heyden op dander van alsulken chijnse als/ tgodshuys vande(n) sartroisen van zelem bi diest houdende sijn [es] op twee/ boend(er) beemts die men heet de hoeve beemde belege(n) te ro(m)melede van/ welken chijnse de vors(creven) jan ende henr(ic) wijnrix gebrued(er)s en(de) gielijs/ meyne(n) dat hen de selve jan van udikeem ontheffen soude Soe sijn/ beyde de vors(creven) p(ar)tyen des come(n) voir scepen(en) van lovene en(de) sijn van/ desen stote bleve(n) in segge(re)n ende vriendelec iffene(re)n dats te weten de/ vors(creven) jan van udikeem in henrike vand(er) hofstat en(de) janne vanden meersb(er)ghe/ en(de) de voerg(enoemde) jan en(de) henr(ic) wijnrix ende gielijs vand(er) heyden in wout(er)en/ den rademake(re) ende janne van boeslynte(r) Ende hebben geloeft beyde de/ vors(creven) p(ar)tyen vast en(de) gestede te houden soe wes de vors(creven) segge(re)n eendrechtich/ dair af segge(n) en(de) t(er)minere(n) selen met alsulk(er) vorwarde(n) soe wae(r) een segg(er)/ ocht meer gebrake dat die p(ar)tye een ande(re)n in die stat neme(n) sal moeg(en)/met vorwarde(n) [in deser voeghe(n)] dat de vors(creven) vier segge(re)n vergade(re)n selen tussche(n) dit en(de)/ maendaghe naest comende om te aenh en(de) binne(n) acht daghen dair nae/ hoer seggen ute(n) en(de) p(ro)nu(n)tie(re)n op dat si des van accorde gesijn conste(n) en(de)/ soe wae(r) si des niet van accorde gewerden en consten dat de vors(creven) segge(re)n/ binne(n) iii [dagen] daer nae come(n) selen en(de) brenge(n) sele(n) voir scepen(en) van lovene/ beyde eysche v(er)antwerden en(de) alles dat vanden vors(creven) [stote] voir hen come(n) sal sijn/ en(de) neme(n) des een vonisse vanden selve(n) scepen(en) van lovene gelijc ocht si des/ nae vorme(n) van recht gedinght hadden Cora(m) porta rike aug(usti) ix[a]