It(em) want stoet en(de) tebat gheweest heeft tusse(n) ja(n)ne gruwel in deen side en(de) gorde m(ar)gel.../ va(n) willenb(ri)nge(n) in dand(er) side va(n) eenre pachtingh va(n) lande te willenb(ri)nge(n) dat die vors(creven) gord/ genome(n) soude hebbe(n) eene(n) t(er)mijn va(n) ja(r)en scare(n) jege(n) den vors(creven) janne Soe sijn come(n) die/ vors(creven) p(ar)tien voe(r) scepen(en) van lovene en(de) sijn des wege(n) in segghe(re)n en(de) in vriendel(ec) iffene(re)n/ dats te wetene die vors(creven) janne in h(ere)n wouter(en) va(n) quaderibbe ridde(r) en(de) in janne vande(n) mer.../ en(de) die vors(creven) gord in willeme ut(er) helicht en(de) in janne sond(er) lant rentm(eester) te holeede in des(er)/ voege(n) dat me(n) die ghene die vande(n) lijfcoep drencke(n)? dair die come(n)scape ghesciede v(er)hoere(n) sal/ ende dan hae(r) segge(n) d(aer) af uute(n) binne(n) viii dage(n) naest comende Ende soe wair sijs va(n)/ acorde niet ghesijn en conste(n) binne(n) dese(n) t(er)mine dat dan die vors(creven) segghe(re)n aen die scepen(en)/ van loven(e) bringe(n) sele(n) soe wes sij verhoert hebbe(n) sele(n) hebbe(n) vande(n) vors(creven) p(ar)tien en(de) oic/ vande(n) ghene(n) die de lijfcoep drencke(n) en(de) die ov(er) die comenscap wa(r)en en(de) d(aer)af neme(n) een/ vo(n)nis ghelijc ocht sij ghedinght hadde(n) En(de) hebbe(n) geloeft beide die vors(creven) p(ar)tien vast/ en(de) ghestede te houden(e) soe wat die vors(creven) segghe(re)n ocht die scepen(en) van lov(en) dair af gheve(n)/ ocht segge(n) sele(n) op de sake v(er)leere(n) En(de) soe wair enich segghe(re) ghebrake soe mach die/ p(ar)tie ene(n) ande(re)n in die stat wed(er) kyesen sond(er) argelist p(resentibus) kersmake(re) rogge xxi aug(usti)