It(em) jan vande(n) wijchuyse in jegewordich(eit) der scepen(en) van loven(e) heeft/ gegeve(n) en(de) bekent dat hi gegeve(n) heeft henrike jans van sente pet(er)s vissenake/ thof des vors(creven) jans gehete(n) ten bossche met sine(n) toebehoerte [belege(n) inde p(ro)chie van bierbeke] met de(n) huyse hove(n)/ wynnende lande beemde en(de) eeuselen daer toehoe(re)nde Te houde(n) te hebben(e) en(de)/ te wynne(n) van half m(er)te naest voerleden tot ene(n) t(er)mine vanii iiii ja(r)en lanc/ deen nae dand(er) staphans volgende dats te weten(e) de wynnende lande elx jaers/ hie(re)n binne(n) op de helicht vande(n) core(n) en(de) vruchte dat daer jaerlex op wassen/ sal En(de) toexst als dat core(n) inden banc is soe sal de vors(creven) henr(ik) des vors(creven) jans/ helicht in de scuer aldaer vuere(n) eer hi tsine aldaer ruere(n) of vuere(n) sal/ moege(n) End en(de) als dat core(n) gedersschen es soe sal de vors(creven) wynne/des vo den vors(creven) janne sijn helicht te love(n) leve(re)n Ite(m) sal de selve wynne/ den vors(creven) jame jaerlex den vors(creven) t(er)mine dueren(de) gheve(n) en(de) betale(n) [vande(n) beemde en(de) eeusele(n) aldair] ses/ holl(ansche) gulden(en) van goude (et)c(etera) te s(int)e m(er)tens misse inde(n) wynt(er) te betale(n)/ alle ja(r)e den selve(n) t(er)mine dueren(de) als v(er)volghde scout Ende de vors(creven) [jan en(de) de] wynne/ selen elc van beyde(n) jaerlex cope(n) om ii crone(n) rogge(n) stroes en(de) dat int/ vors(creven) hof brenge(n) om dat daer in tette(n) en(de) allet stroe dat vande(n) vors(creven) goede(n)/ come(n) sal dat sal de vors(creven) wynne te gade(er) met de(n) vors(creven) stroe int vors(creven) hof/ br(en)ge(n) en(de) ette(n) met sine(n) beesten en(de) daer af mest make(n) en(de) dat vuere(n) opt vors(creven) lant/ slands meest p(ro)fite en(de) nergens elde(r) Oic sal de vors(creven) wynne den vors(creven)/ ja(n)ne jaerlex binne(n) den vors(creven) t(er)mine [duerende] int vors(creven) hof leve(re)n xxv mandele(n) walme(re)n/ goit en(de) custbair om die huysinge daer mede te decke(n) en(de) soe wa(n)neer men/ die aldaer doet verdecke(n) daer af sal de vors(creven) wynne den decke(r) de cost/ gheve(n) en jan de dachue(re) en(de) soe wa(n)neer en(de) niet vorde(r) en sal de/ wynne in enige(n) cost gehoude(n) sine En(de) alle doeft dat aldaer jaerlex wassen/ sal selen de vors(creven) jan en(de) de wynne half en(de) half deylen en(de) hebbe(n) en(de) de vors(creven)/ wynne sal des [vors(creven)] jans helicht te love(n) leve(re)n En(de) de vors(creven) wynne sal de vors(creven)/ goede jaerlex hie(re)n binne(n) wail bethune(n) grechte(n) en(de) bevrede(n) en(de) de beemde / en(de) wat(er)leyen wale en(de) custb(aer)lec ryolen en(de) veege(n) [gelijc sine(n) reengenote(n)] En(de) de vors(creven) wynne sal/ de vors(creven) lande wynne(n) w(er)ve(n) en(de) meste(n) wail en(de) loflec met sine(n) tydege(n) vore(n)/ gelijc sine(n) reengenote(n) bove(n) en(de) benede(n) en(de) die late(n) gelijc hi se vant tot/ sine(n) income(n) dats te wete(n) den wynt(er)art besayt met rogge op vier/ tydege vore(n) den zom(er)art eens om gedaen en(de) de brake geheel Ende de/ vors(creven) wynne sal de vors(creven) truncbome aldaer moege(n) houwe(n) en(de) truncke(n) te/ behoerleke(n) tide(n) om die goede daer mede te bevrede(n) Oec sal de vors(creven) wynne/ de hage(n) en(de) hegge(n) aldaer moege(n) houwe(n) alsoe men aldaer gewoenlic is te/ doen t(er) minst(er) scaden [en(de) te behoerleke(n) tide(n)] om sijn b(er)ringe daer af te make(n) En(de) soe wae(r) daer/ enige(n) droege(n) bome v(er)droeghde daer af sa die sal de vors(creven) wynne hebbe(n) en(de)/ daer voe(r) wed(er) ii pote(n) vande(n) selve(n) arde sette(n) En(de) alle dese vorw(er)de(n)/ k(er)smake(re) pynnoc maii xvii