H(er) jan de rike [vacat] in jegewordich(eit) der scepen(en) van lovene/ gestaen heeft gegeve(n) ende bekent dat hi gegeve(n) heeft janne steckaert molde(r) de/ molen onder de borch staende mett(er) slachmolen en(de) met allen hoe(re)n toebehoerte(n) Te houden/ ende te hebben van h alsoe lange als de vors(creven) brueder jan de rike leve(n) sal en(de) niet lang(er)/ elx jaers hie(re)n binne(n) op den co(m)mer en(de) last daer voe(r) uutgaende dats te weten den he(re)n/ van sente pet(er)s te love(n) een mudde rox der vroemisse(n) te sente ene(n) oude(n) groete(n) onsen/ gened(ichen) he(re) den h(er)toge van braba(n)t twintich oude groete en(de) der vrouwe(n) van wilre veertich/ scillinge jaerlex chijns payments Ende voert aen op vier molevate rox en(de) twee mole(vaten)/ taruwen goit en(de) payabel d(er) maten van lovene jaerleker lijfpensien alle weke(n) also/ lange als de vors(creven) brued(er) jan leve(n) sal en(de) des sat(er)daeghs te leve(re)n den zelve(n) brued(er)/ ja(n)ne alsoe lange als hi leve(n) sal en(de) telke(n) t(er)mine als v(er)volghde scout Ite(m) [heeft] geloeft de / vors(creven) jan steckaert de vors(creven) molene(n) te houde(n) den vors(creven) t(er)mine(n) duerende van stene(n) en(de)/ van allen ande(re)n werke beyde van grontwerke staende werke van houtwerke van yserw(er)ke/ van arken van watre en(de) de huyse van wande en(de) van dake en(de) voertaen van allen ande(re)n/ saken alsoe dat den zelve(n) brued(er) ja(n)ne alsoe lange als hij leve(n) sal daer af gheen scade/ en come eisde(m) (et)c(tera)