It(em) villicus lovan(iensis) median(tibus) scabinis lovan(iensibus) addux(it) rac(i)o(n)e dominii joh(ann)em gruwel/ filiu(m) na(tura)lem joh(ann)is gruwel ad bona [vacat] in domib(us) curt(ibus) t(er)r(is) ar(abilibus)/ p(ra)t(is) pascuis (et) suis p(er)t(inentiis) univ(er)sis in p(ar)r(ochia) de [vacat] p(ro) c(er)t(is)/ recognic(i)o(n)ibus (et) p(ro)missionib(us) consc(ri)pt(is) in l(itte)ris scabinor(um) lovan(iensium) quar(um) tenor sequit(ur)/ in hec verba Cont si allen lieden dat henric van liesch en(de) jan van liesch in jegen/ wordicheiden der schepen(en) van lovene gestaen hebben genome(n) en(de) bekent dat si genome(n)/ hebben van janne gruwel vijfthien boend(er) wynnents lants ocht daer omtrent belege(n)/ inde p(ro)chie van veltheem en(de) dair omtrent ende oec alsulken beemde en(de) eeuselen als/ de selve jan gruwel aldaer houdende is en(de) alsoe gord colve die vors(creven) lande met den/ beemden en(de) eeuselen aldair te houden plach Te houden te hebben en(de) te wynne(n) van sente/ m(er)tens misse naest voerleden tot ene(n) t(er)mine van neghen ja(r)en lanc deen nae dand(er)/ staphans volghende dats te weten elc boend(er) vanden vors(creven) lande alle ja(r)e den vors(creven) t(er)mine/ duerende op sesentwintich molevate rox goit en(de) payabel met wa(n)ne ende met vede(re)n/ der maten van lovene te sente andries misse apostels te betalen en(de) humiligheem/ of tot he(re)n p(ar)rike bi loven daert den vors(creven) ja(n)ne gruwel genueghen sal te leve(re)n alle ja(r)e/ den vors(creven) t(er)mine duerende en(de) telken t(er)mine als v(er)volghde schout Oec selen de vors(creven)/ wynne(n) die beemden en(de) eeuselen aldair jairlex den vors(creven) t(er)mine duerende hebben op/ twintich mottoene dats te weten vierendertich pont payments gemeynlec in borsen/ gaende voir twee mottoene gerekent te sente mertens misse in den wynt(er) te betalen/ alle ja(r)e den vors(creven) t(er)mine duerende en(de) telken t(er)mine als v(er)volghde schout Ende de/ wynnen selen de vors(creven) lande den vors(creven) t(er)mine duerende wynne(en) en(de) werve(n) wel ende/ loflec gelijc reengenote(n) aldaer boven ende beneden en(de) bynnen den selve(n) t(er)mine de vors(creven)/ lande wel en(de) loflec tweew(er)f ov(er)mesten Ite(m) selen die voerg(enoemde) wynne(n) die truncbome moege(n)/ truncken en(de) houwen tijtverdichlec om de goede te bevreden en(de) b(er)ringe daer af te maken/ ter minst(er) schaden Ende de selve lande ten eynde vande(n) vors(creven) t(er)mine laten gelijc sij die vonde(n)
//
tot hoe(re)n income(n) dats te weten den wynt(er) art met rogge besaeyt op vier tideghe/ voren en(de) den zom(er)art en(de) de stort al geheel Oec selen de vors(creven) wynnen den selve(n)/ ja(n)ne gruwel op dleste jair leve(re)n hond(er)t mandelen stroes half roggen en(de) half gerste(n)/ Ende alle dese vorwarde(n) geloefte(n) ende condicie(n) bove(n) bescreve(n) hebben geloeft die vors(creven)/ wynnen den vors(creven) ja(n)ne gruwel vast en(de) gestede te houden en(de) te voldoen tallen tiden als/ si vallen en(de) verschinen selen en(de) telken t(er)mine als v(er)volghde schout Hierov(er) wa(r)en lodewijc/ pynnoc en(de) jan vand(er) brugghen schepen(en) van lovene Gegeve(n) neghen daghe in julio/ int jair ons he(r)en dusent vierhondert en(de) seven Item notu(m) sit univ(er)sis q(uod) joh(ann)es d(i)c(t)us/ gruwel contulit joh(ann)i gruwel eius filio na(tura)li has l(itte)ras per quas hec p(rese)ns l(itte)ra/ t(ra)nsfixa in om(n)i eode(m)q(ue) modo (et) iure habend(as) quibus d(i)c(t)us joh(ann)es gruwel eas p(ri)us/ h(ab)ebat Testes egidius rike (et) walt(erus) pynnoc scabini lovan(ienses) Datu(m) anno d(omi)ni mill(esi)mo/ quadringentesimodecimo mensis decembr(is) die s(e)c(un)da ... Et h(ab)uit querel(as)/ qua(r)e vill(icus) apposuit (etcetera) Salvo iure (etcetera) H(iis) int(er)fueru(n)t py(n)noc potsuinb(er)ge iii dec(embris)