It(em) jan corsbout sone wout(er)s wilen corsbout in jegewordicheide(n) der scepen(en)/ van lovene gestaen heeft gegeve(n) ende bekent dat hi gegeve(n) heeft henrike coppens/ van eykeem molde(r) de molen die men heet te heyst belege(n) inde p(ro)chie van love(n)joel/ met de(n) lande beemden en(de) allen hoe(re)n toebehoerte(n) gelijc als si daer belegen is den wuwe(r)/ alleen uutgesceiden Te houden en(de) te hebben van na sente jans misse naest comende/ tot ene(n) t(er)mine van drie ja(r)en lanc deen nae dande(r) staphans volghende de elx jairs/ hie(re)n bynne(n) op achtentw vierentwintich mudde rox goit en(de) payabel te weten is/ alsulken rogge als de vors(creven) molen aldaer wynnen sal der maten van lovene