It(em) rombout vanden goere van mechlen sone claes wilen vande(n) goere in jegenwordich(eit)/ der scepen(en) van loeven gestaen heeft bekent en(de) v(er)lijt openbaerlic alse van dat hi/ anderwile ginc uut den lande van rotselair tot inden lande van arscot daer hi/ doen vant lijsbette(n) die docht(er) es matheeus wynt(er)s van arscot die hi na state der/ heylig(er) kerke(n) tot ene(n) wittege(n) wive getruwt heeft dat [hi] dat van vore tot na al/ uut selfs heetcracht en(de) bi sine(n) eyghene(n) vryen wille sond(er) yemants bedwanc/ gedaen heeft en(de) hadde de selve rombout des niet gedaen dat hijt noch/ doen soude cora(m) rike oppendorp sept(embri) vi[a]