It(em) alse vande(n) stoete en(de) tebat v die was tussche(n) adaem van loe natuerlic/ sone adaems wilen van loe op deen side en(de) vrancke lyeminc en(de) ja(n)ne vande(n)/ steene op dande(r) side daer af si segge(re)n gecore(n) wae(re)n vor en(de) ov(er)ma(n)ne gecore(n)/ hadde(n) voe(r) scepen(en) van loeven [gelijc tvo(n)nis? begrijpt] et wel welc segge(re)n mette(n) ov(er)ma(n)ne hoe(r) gesegge(n)/ geseeght hebbe(n) ind(er) maniere(n) hier na volgende Ind(en) yersten dat de vors(creven)/ adaem daer sijn beleyt dat hi gedaen heeft tot den goede(n) des he(re)n jans/ wilen van hodonc quijtscelde(n) sal vande(n) vors(creven) halve(n) boende(r) lants daer dese(n)/ stoete af es dit geschiet sijnde soe suelen de vorscr(even) vranc en(de) jan den/ vors(creven) adame int vors(creven) goet erflic goede(n) [voe(r) hof en(de) he(re)] inde(n) name en(de) tot behoef des outaers/ van sente barbe(re)n dat van nuws gefundeert es inder kerken van zichene(n)/ behoudelic dien dat de selve vranc en(de) jan ses jair lanc deen na dande(r)/ volghende [en(de) niet lange(r)] tvors(creven) goet behoude(n) suelen sond(er) yet daer af te geve(n) anders/ dan den oude(n) chijns daer uut gaende Met vorw(er)den soe wa(r)e de vorscr(even)/ jan die vande(n) vors(creven) goeden een gichtdrage(r) es want dat [te] core leeght bynne(n)/ den vors(creven) t(er)mine van live t(er) doet quame dat s en(de) de erfgename(n) des vorscr(even)/ jans of vranc of sijn nacomelinge(n) den core niet drage(n) en woude(n) dat dan/tvo de rectoe(r) des vors(creven) outaers sijn s hande sal slaen aen de vors(creven) goede/ mer wa(r)e des vors(ceven) in des(er) voege(n) des vors(creven) jans erfgename(n) vranc of/ sijn nacomelinge(n) den core drage(n) wouden dat si dan tvors(creven) lant den/ vors(creven) tijt duerende behoude(n) suele(n) en(de) niet lange(r) Oic es hoe(r) segge(n) dat de/ vors(creven) vranc en(de) jan vande(n) steene onghehoude(n) sele(n) sijn enich rastoer te doene vand(en) vrente(n)/ den tijt lanc dat sij de goede ghehoude(n) hebbe(n) alle argelist s sw(er)tveghe(re) tympel eode(m)