It(em) de meyer van loeven inde banc metde(n) scepen(en) van loeven(en) te recht/ sittende sprak sprac aene gielise van tolme(re) den jongen van kysekeem/ seggende dat hi come(n) wae(re) bynne(n) den lande van zichene te tolme(re) op de/ heyde en(de) hadde aldair uut ene(n) savoer toebehoe(re)nde ja(n)ne van winge gestolen/ en(de) genome(n) ii[c] c(a)rp(er)s en(de) dat hi droegh te bruessel of te loven en(de) aldaer/ v(er)cocht daer aen hi lijf en(de) goet tot onss gened(ichs) he(re)n behoif van brabant/ gebroect hadde en(de) des v(er)mat hi hem waerheit en(de) boet dat te thoene(n) Daer/ op hem de vors(creven) gielijs v(er)antworde met sine(n) gelev(er)de voersprake seggende/ dat hi des onsculdich wae(re) en(de) dat hijs niet gedaen en hadde en(de) boet des daervoe(r)/ sine(n) eet en(de) onschout Soe dat de meye(r) daer op maendde de scepen(en) van/ loeven(en) nae aensprake en(de) v(er)antworde(n) de scepen(en) wijsden want hem de/ meyer thoenisse v(er)mete(n) hadde dat si dat beg(er)de te aenhoe(re)n dae en teynden/ de voerspreke des vors(creven) gielijs seyde soe wae(r) de meyer thoendde soe liet hi/ dat gaen alsoe v(er)re als dat sculdich wae(re) te gaene Soe dat de scepen(en) ten eyndde/ gemaent worde(n) [vande(n)] meyer die doen wijsde(n) soe wae(r) niet en thoendde ten opstaen van/ hem en(de) vanden scepen(en) dat dan de vors(creven) gielijs v(er)weert soude sijn vand(er) aensprake/ die de meyer te hem w(er)t gedaen hadde (et)c(etera) Cora(m) h(enrico) borch(oven) huffle [jo(hannes) borch(oven)] ponte h(er)tshals b(er)theem m(ar)tii ix[a]