SAL7712, Act: V°431.1-R°432.1 (105 of 115)
Search Act
previous | next
Act V°431.1-R°432.1  
Act
Date: 1414-05-14

Transcription

2020-03-20 by Marijke Gevaert
It(em) henr(ic) vand(er) calst(ere)n in jegenwordich(eit) der scepen(en) van loeven gestaen heeft/
gegeve(n) en(de) bekent dat hi gegeve(n) heeft janne stoutma(n) van wackersele/
thof des vorscr(even) henrix gelege(n) te lynden met ene(n)twintich boende(re)n/
lants daer toe hoe(re)nde [en(de)] mette(n) beemde acht(er) tvors(creven) hof gelege(n) [en(de) oec met ene(n) boemgarde acht(er) de schuere aldair gelege(n) en(de) mett(er) weyden vande(n) groete(n) boegard] Te houde(n)/
te hebben en(de) te wynne(n) van half m(er)te naest voerleden tot ene(n) t(er)mine/
van sess ja(r)en lanc deen na dande(r) staphans volghende dats te wete(n)/
elc boender vande(n) vorscr(even) lande [alsoe v(er)re als de mate gedraeght] op sesentwintich molevate rox goit en(de)/
payabel met wa(n)ne en(de) met vedere(n) wael bereit [der mate(n) van loeven] te sente andries/
misse apostels te betalen en(de) te loeve(n) te leve(re)n alle jae(re) den vorscr(even)/
t(er)mine duerende en(de) telken t(er)mine als v(er)volghe [scout] Voert sal de vorscr(even)/
wynne vande(n) vorscr(even) beemde jaerlex den vorscr(even) t(er)mine duerende geve(n)/
en(de)b den vorscr(even) [henr(ike)] seve(n) crone(n) der munte(n) des coninx van vrancrike/
van goude goit en(de) gheve te sente m(er)tens i misse inde(n) wynt(er)/
te betale(n) alle jae(re) den vors(creven) t(er)mine duerende en(de) telke(n) t(er)mine als/
v(er)volghde scout Ite(m) sal de vors(creven) wynne jaerlex int vorscr(even) hof leve(re)n/
vijfich mandele(n) walme(re)n van goude goit en(de) gheve(n) goit en(de) custbair/
om die huysinge daer mede te decken En(de) soe wa(n)neer men aen/
de vors(creven) huysinge aldaer nu staende dect of plect daer af sal de/
vorscr(even) wynne den wercliede(n) den cost gheve(n) en(de) hen(ric) de dachue(re)n/
Oec es vorwarde dat de vors(creven) wynne de wande aldaer vand(er)/
nederst(er) rikele(n) ned(er)w(er)t alsoe v(er)re als sijn beeste(n) die breke(n)/
suelen wed(er) [sal] doen maken En(de) es noch vorwarde dat de vorscr(even)/
wynne de tru(n)ceyken aldaer te behoerlike(n) tide(n) sal doen truncken en(de)/
wishe en(de) maken tot hoe(r) beyd(er) p(ro)fite en(de) dan thout half en(de) half/
deylen en(de) hebben en(de) des vorscr(even) hen(rix) gedeelt [sal de vors(creven) wynne] te loeve(n) b(re)nge(n)/
Oec sal de vorscr(even) wynne den vorscr(even) henrike sijn oeft wassende/
jaerlex op den vors(creven) groete(n) boegarde te loeve(n) brenge(n) en(de) leve(re)n Ite(m)/
sal de vors(creven) wynne den vors(creven) henrike jaerlex den vors(creven) t(er)mine [dueren(de) geve(n)] een/
halst(er) erwite(n) gheve(n) te sente andries misse apostels te betale(n)/
alle jae(re) den vors(creven) t(er)mine duerende en(de) telke(n) t(er)mine als v(er)volghde/
scout Item sal de vorsc(reven) wynne den vorscr(even) hen(ric) jaerlex/
met sine(n) waghen en(de) p(er)den dyenen en(de) varen twelf varde
//
En(de) de vorscr(even) wynne sal de vorscr(even) lande wynne(n) w(er)ve(n) ende/
meste(n) wel en hoflec gelijc sine(n) reengenote(n) bove(n) en(de) benede(n) En(de) die/
laten ten eynde vande(n) vorscr(even) t(er)mine alsoe hier na volght dats/
te weten den wynt(er) art met rogge besayt op vier tideghe vore(n)/
de storte een omgedaen en(de) de brake geheel En(de) alle dese vorwarde(n)/
geloefte(n) en(de) condicie(n) vorscr(even) hebben geloeft de vorsc(reven) hen(ric) en(de)/
de wynne hal deen en(de) den ande(re)n (etc) [vast en(de) gestedich te houde(n) talle(n) tide(n) als die valle(n) en(de) v(er)schine(n) sulle(n) en(de) telke(n) t(er)mine akse v(er)volghde schout Hier ov(er) war(en) (et)c(etera)] tymple gheerts maii xiiii
ContributorsMi-Je Van Gils
Moderated byMi-Je Van Gils
Last update: 2017-04-04 by Xavier Delacourt